Denovda “Sina” milliy taomlar sayli o‘tkaziladi
2025-09-15 10:50:00 / Yangiliklar
2025-yil 26-sentyabr kuni Surxondaryo viloyati Denov tumani “Sina” turizm qishlog‘ida milliy taomlar sayli bo‘lib o‘tadi.
Ushbu saylda Surxondaryo viloyati shahar va tumanlarining milliy uslubda bezatilgan pavilonlari tashkil etilib, hududlarning o‘ziga xos tansiq taomlari ko‘rgazmasi, ularni tayyorlash bilan bog‘liq uslublari, udum va an’analar namoyish etiladi.
Tadbir davomida folklor etnografik jamoalar, milliy cholg‘u guruhlari va yosh san’atkorlarning chiqishlari, an’anaviy xalq o‘yinlari musobaqalari o‘tkaziladi.
Sayl yakunida “Eng yaxshi taom”, “Eng yaxshi oshpaz” va “Eng ko‘p milliy taom tayyorlagan oshpaz” nominatsiyalari bo‘yicha g‘oliblar saralanib, diplom, statuetka va esdalik sovg‘alari bilan taqdirlanadi.