O‘zbekiston Respublikasi Turizm qo‘mitasi

Djamshid Abdusalomov turizmning bugungi kunda madaniyat, transport, ta’lim va texnologiyalarni birlashtirishi, ish o‘rinlari yaratishi va sarmoyalarni jalb qilishini ta’kidladi. Misol sifatida u O‘zbekiston tajribasini keltirdi: viza tartiblarining soddalashtirilishi, mehmonxona infratuzilmasining rivojlantirilishi, transport aloqasining yaxshilanishi va yiliga 10 million kishidan ortiq sayyohlik oqimining o‘sishi.

O‘zbekistonning Rossiya Prezidenti homiyligida o‘tkaziladigan va eng muhim xalqaro maydonlardan biri sanalgan Sharqiy iqtisodiy forumda ishtiroki milliy turizmni rivojlantirish uchun katta ahamiyatga ega. Bu mamlakat yutuqlarini jahon miqyosida namoyon etish, uning madaniy va tabiiy merosiga e’tiborni jalb qilish, shuningdek, hamkorlik aloqalarini mustahkamlash hamda soha barqaror o‘sishi uchun yangi imkoniyatlar yaratish imkonini beradi.