O‘zbekiston Respublikasi Turizm qo‘mitasi

Tashrifdan ko‘zlangan asosiy maqsad — O‘zbekistonning turistik salohiyatini Xitoy auditoriyasiga keng tanishtirish, ikki davlat o‘rtasidagi sayyohlik aloqalarini mustahkamlash va O‘zbekistonga xorijiy turistlar oqimini oshirishdan iboratdir.

Mazkur press-tur doirasida mehmonlar Toshkent, Samarqand va Buxoro shaharlarining diqqatga sazovor joylari, tarixiy obidalari, milliy madaniyati hamda zamonaviy turizm infratuzilmasi bilan yaqindan tanishdilar.

Xitoylik blogerlar Toshkent shahridagi Chorsu bozori, Mustaqillik maydoni, Amir Temur xiyoboni, Navro‘z bog‘i, Toshkent teleminorasi va shaharning zamonaviy markazlariga, Samarqanddagi Registon majmuasi, Shohi Zinda maqbaralar majmuasi, Ulug‘bek rasadxonasi, Bibixonim majmuasi, Ipak yo’li xalqaro turizm universiteti va Samarqand turistik markaziga, Buxorodagi Ark qal’asi, Poyi Kalon ansambli, Somoniylar maqbarasi kabi yirik tarixiy obidalarni ziyorat qildilar. Shuningdek, ular mahalliy milliy taomlar bilan tanishib, hunarmandchilik markazlari, mehmonxonalar va boshqa turistik obyektlarga tashrif buyurishdi.

Press-tur davomida blogerlar o‘zlarining millionlab kuzatuvchilarga ega bo‘lgan ijtimoiy tarmoqlardagi sahifalarida O‘zbekistonga oid taassurotlarini foto va videomateriallar orqali yoritib bordilar.