Toshkentda ochiq osmon ostidagi konsert - sayyohlar uchun teatr mavsumining ochilishi
2025-08-29 16:15:00 / Yangiliklar
Toshkent nafaqat boy merosi va zamonaviy infratuzilmasi, balki madaniy tadbirlari bilan ham sayyohlarni tobora ko‘proq o‘ziga jalb etmoqda.
6-sentabr kuni Alisher Navoiy nomidagi O‘zbekiston Davlat akademik katta teatri oldidagi maydonda 96-teatr mavsumining ochilishiga bag‘ishlangan “Ad astra” (“Yulduzlar sari”) konserti bo‘lib o‘tadi.
Simfonik orkestr mashhur klassik va opera asarlarini ijro etib, kechani ochiq havoda o‘tkaziladigan ajoyib bayramga aylantiradi.
Sayyohlar uchun bu tadbir poytaxtga tashrif buyurishga alohida sabab bo‘ladi: konsert Toshkentning madaniy ruhini his qilish va an’analar hamda zamonaviylik bir makonda qanday uyg‘unlashganini ko‘rish imkonini beradi.