"Euronews" sayyohlarga Shahrisabzning betakror muhitini namoyish etmoqda
2025-08-28 18:45:00 / Yangiliklar
O‘zbekistonga bo‘lgan xalqaro qiziqish tobora kuchayib bormoqda va dunyoning yetakchi ommaviy axborot vositalari mamlakatning sayyohlik salohiyatiga yanada ko‘proq e’tibor qaratmoqda. Jumladan, "Euronews" telekanali "Ipak yo‘li sarguzashtlari" ko‘rsatuvining navbatdagi qismida tomoshabinlarni buyuklar taqdiri tug‘ilgan afsonaviy Shahrisabzga sayohat qilishga taklif etdi.
Ushbu sonda Shahrisabz Buyuk Ipak yo‘lining eng yorqin sayyohlik markazlaridan biri sifatida taqdim etilgan. Ko‘rsatuv tomoshabinlarni o‘z tarixiy ruhini va o‘ziga xos muhitini saqlab qolgan shaharning ulug‘vorligi bilan tanishtiradi. Syujetda ta’kidlanishicha, Shahrisabz nafaqat o‘tmishning buyuk shaxslari bilan bog‘liq, balki bugungi kunda ham sayyohlar mintaqaning madaniyati, an’analari va mehmondo‘stligini kashf etadigan maskan bo‘lib qolmoqda.
"Ipak yo‘li sarguzashtlari" kabi ko‘rsatuvlar turizmni rivojlantirishda muhim ahamiyatga ega. Ular sayohatga qiziqish uyg‘otadi, mamlakat haqidagi tasavvurlarni kengaytiradi va sayyohlarni O‘zbekistonni o‘z sayohat yo‘nalishlariga kiritishga ilhomlantiradi.