O‘zbekiston Respublikasi Turizm qo‘mitasi

Bu yerda siz mahalliy aholi tomonidan tayyorlangan milliy taomlarni tatib ko‘rish, ularni tayyorlash jarayonida qatnashish va hatto an’anaviy marosimlarda - oilaviy bayramlardan to to‘ylargacha mehmon sifatida ishtirok etish mumkin bo‘lgan maskanni tanlashingiz mumkin. Bularning barchasi O‘zbekiston bo‘ylab qilingan sayohatni yanada teran va mazmunli qiladi.

Odatiy kafe yoki restoranlarda ovqatlanishdan farqli o‘laroq, bu yerda sayyoh mahalliy turmush tarziga to‘liq sho‘ng‘ishi mumkin: mezbon oila bilan suhbatlashib, qurt yoki palov kabi taomlarni tayyorlashni o‘rganib, oshxonaning hududiy xususiyatlarini kashf etadi.

Platforma joylashuv va afzalliklar bo‘yicha qulay qidiruv, buyurtma berish va to‘lovni - barchasini bir joyda taqdim etadi. Bu turistlarga nafaqat mazali ovqatlanish, balki noyob madaniy tajribaga ega bo‘lish imkonini beradi.

Platforma asoschisi Xadicha Suyarovaning ta’kidlashicha, “Eaten.uz” sayyohlar uchun mamlakat haqidagi tasavvurni kengaytirish bilan birga, oddiy oilalarni turizm iqtisodiyotiga jalb qilish orqali ularga qo‘shimcha daromad manbalari yaratadi. Platforma O‘zbekistonni uning asosiy boyligi - xalqi, madaniyati va taomlari orqali ochib berishga ko‘maklashadi.