“AirAsia” aviakompaniyasi Toshkent orqali yangi qatnovlarni yo‘lga qo‘ymoqda
2025-07-31 18:30:00 / Yangiliklar
Malayziyaning yetakchi “AirAsia” aviakompaniyasi tomonidan 2025-yilning 14-noyabridan boshlab Kuala-Lumpur-Toshkent-Kuala Lumpur yo‘nalishida muntazam aviaqatnovlarning yo‘lga qo‘yilishi munosabati bilan tadbir bo‘lib o‘tdi.
Unda Turizm qo‘mitasi raisi U.Shadiyev, Malayziyaning O‘zbekistondagi elchisi Ilxam Tua bin Illias hamda “AirAsia” kompaniyasi rahbariyati, shuningdek, turizm sohasi va ommaviy axborot vositalari vakillari ishtirok etishdi.
“Air Asia” Janubi-Sharqiy Osiyodagi yirik aviaparkiga ega bo‘lib, 136 ta xalqaro yo‘nalish va 258 ta marshrutni qamrab oluvchi, optimal narxlari, yuqori sifatli xizmat ko‘rsatishi bilan nom qozongan.
Mazkur qatnovning yo‘lga qo‘yilishi O‘zbekistonga Janubi-Sharqiy Osiyo mintaqasidagi maqsadli bozorlar, jumladan, Malayziya, Indoneziya, Singapur kabi davlatlardan sayyohlar oqimini oshirishda xizmat qiladi.