O‘zbekiston Respublikasi Turizm qo‘mitasi

Festival davomida mahalliy va xorijiy oshpazlar ishtirokida musobaqalar, osh tayyorlash bo‘yicha mahorat darslari, hunarmandchilik yarmarkalari va madaniy-ko‘ngilochar dasturlar tashkil etiladi.

Tadbirning dastlabki kuni Sulton Hovand Beka maqbarasi – Ashratxona hududida mahalliy oshpazlar o‘rtasida musobaqalar bilan boshlanadi. Ikkinchi kuni Alisher Navoiy ko‘chasida xorijiy oshpazlar o‘z mahoratlarini namoyish etadi. Tashrif buyuruvchilarga palovning 20 tadan ortiq turlari - Farg‘ona va Toshkentning klassik palovidan tortib, afg‘on, eron, arab va boshqa milliy turlari taqdim etiladi.

Festivalning so‘nggi kuni, “Boqiy shahar” tarixiy-etnografik bog‘ida viloyatning eng yaxshi oshpazlari tomonidan 7 tonna Samarqand palovi tayyorlanadi.

Festivalda tayyorlangan osh mehribonlik uylari, nogironligi bo‘lgan bolalarni ixtisoslashtirilgan maktab-internatlari, qariyalar uylari kabi muassasalarga yetkazib beriladi.