O‘zbekistonda sayyohlik rekordlari yangilanmoqda — uch oyda qariyb 20 foizlik o‘sish kuzatildi
2025-07-10 13:40:00 / Yangiliklar
2024-yilning shu davriga nisbatan xorijiy sayyohlar soni qariyb 20 foizga ko‘paygani soha uchun katta yutuq hisoblanadi.
2025-yil aprel oyida O‘zbekiston birinchi marta bir oy davomida 1 milliondan ortiq xorijiy sayyohni qabul qildi, may oyida esa yangi rekord o‘rnatildi - 1,1 million sayyoh. Iyun oyida 1,1 millionga yaqin sayyoh yurtimizga tashrif buyurdi.
Mamlakatimiz imidjini oshirish, vizasiz rejimni kengaytirish, sohaga sarmoyalar jalb qilish hamda xalqaro sayyohlik ko‘rgazmalari, forumlar va roud-shoularda faol ishtirok etish borasidagi sa’y-harakatlar tufayli o‘sish sur’ati davom etmoqda.
Oldinda yanada ulkan vazifalar kutmoqda. Istiqbolda xalqaro standartlarga mos keladigan sayyohlik xizmatlari doirasini kengaytirish ko‘zda tutilgan. Global bozorda tobora ommalashib borayotgan ekologik va barqaror turizmni rivojlantirishga alohida e’tibor qaratiladigan bo‘ladi.