O‘zbekistonda barchaga teng imkoniyatlar asosida turizm tizimi shakllanmoqda
2025-07-09 18:40:00 / Yangiliklar
“Inklyuziv to‘siqsiz turizm” va “Inklyuziv sayohat” dasturi doirasida sayohatlarini tashkil etish bo‘yicha reja-grafik jadvaliga muvofiq, yanvar-iyun oylarida respublika bo‘ylab jami 5 625 nafar ijtimoiy himoyaga muhtoj aholining sayohatlarini tashkil etish rejalashtirilgan bo‘lib, ushbu davrda 8 337 nafar ijtimoiy himoyaga muhtoj aholining sayohatlari amalga oshirildi.
Shuningdek, turizm sohasi xodimlarini to‘siqsiz xizmat ko‘rsatish bo‘yicha o‘qitish ishlari olib borilmoqda. Gidlar, mehmonxona xodimlari va transport xizmatlari vakillariga inklyuziv yondashuv asoslari o‘rgatilmoqda. Bu esa mamlakat turizm sektorining yanada zamonaviy, ijtimoiy mas’uliyatli va global talablar darajasida bo‘lishini ta’minlamoqda.
Davlat siyosati darajasida ham to‘siqsiz turizmni rivojlantirishga oid chora-tadbirlar belgilangan. Xususan, amaliy loyihalar doirasida tarixiy yodgorliklar va muzeylarda maxsus imkoniyatlar yaratilmoqda. Bu yo‘nalishdagi ishlanmalar O‘zbekistonni inklyuziv turizmda ilg‘or davlatlardan biriga aylantirish imkonini bermoqda.