O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi

Har yili o‘tkaziladigan ushbu tadbir turizm sohasidagi xalqaro hamkorlikni mustahkamlash, innovatsion yechimlarni ilgari surish, iste’dodlarni rivojlantirish, qishloq hududlarini jonlantirish va madaniy integratsiyani chuqurlashtirish maqsadida BTAning asosiy maydoni hisoblanadi.

Tadbirda BMT Turizm Bosh kotibi Zurab Pololikashvili, Turizm qo‘mitasi raisi Umid Shadiyev va Butunjahon turizm alyansi raisi Chjan Syuy, shuningdek, 250 dan ortiq delegat - rasmiylar, xalqaro tashkilotlar, sayyohlik uyushmalari vakillari, soha mutaxassislari va ommaviy axborot vositalari xodimlari ishtirok etdi.

Forumning majlislari va sessiyalari sohaning eng dolzarb masalalariga bag‘ishlandi: Xitoy va Markaziy Osiyo sayyohlik bozorlarining rivojlanish yo‘nalishlari, Ipak yo‘li yo‘nalishlarida turizmning yangi imkoniyatlari, raqamli targ‘ibot strategiyalari, shuningdek, mintaqa mamlakatlari uchun o‘ziga xos sayyohlik mahsulotlarini yaratish.

Turizm orqali mahalliy hamjamiyatlarni barqaror rivojlantirishga qaratilgan BMT Turizmi va BTA qo‘shma yo‘l xaritasi taqdimotiga alohida e’tibor berildi. Shuningdek, forum doirasida ishbilarmonlik aloqalarini mustahkamlash maqsadida bir qator B2B uchrashuvlari o‘tkazildi.

Tadbir “Ipak yo‘li muloqoti orqali yaxshi kelajak qurish” shiori ostida o‘tkazilib, rasmiy majlislar va madaniy dasturlarni, jumladan “Xanchjou kechasi” nomli kechki taqdimotni o‘z ichiga oldi. Tadbir shiori “Bir makon, bir yo‘l” (BMY) tashabbusi doirasidagi madaniy aloqalarning ahamiyatini ta’kidlaydi.

Forum tadbirlarini щtkazish uchun O‘zbekistonning tanlanishi bejiz emas: mamlakat Xitoy va boshqa BMY davlatlari bilan hamkorlikni faol rivojlantirib, siyosiy, iqtisodiy va insonparvarlik aloqalarini mustahkamlamoqda. Samarqanddagi muloqot bozorlarni chuqurroq o‘rganish, yangi sayyohlik yo‘nalishlarini ishlab chiqish va xalqaro almashinuvni kuchaytirish uchun kuchli turtki bo‘ldi.

2017 yilda Xitoyning Chendu shahrida tashkil etilgan Butunjahon turizm alyansi 45 mamlakatdan 259 a’zoni birlashtiradi. Xitoy Madaniyat va turizm vazirligi tomonidan qo‘llab-quvvatlanadigan tashkilot turizmni barqaror rivojlanish, hayot sifatini yaxshilash va global o‘zaro tushunish kuchi sifatida targ‘ib qilishga intiladi.

Samarqandda bo‘lib o‘tgan forum turizm xalqaro hamkorlik va barqaror taraqqiyotning qudratli vositasi, O‘zbekiston esa bu jarayonning zamonaviy Ipak yo‘lidagi ajralmas va istiqbolli ishtirokchisi ekanini yana bir bor isbotladi.