O‘zbekiston turizm salohiyati CNN telekanalida targ‘ib etilmoqda
2025-06-11 19:50:00 / Yangiliklar
O‘zbekiston o‘zining turizm imkoniyatlarini xalqaro maydonda, jumladan, dunyoning yirik axborot vositalaridan biri bo‘lgan CNN telekanali orqali keng targ‘ib qilmoqda.
Mazkur kanal bilan hamkorlikda Yevropa, Shimoliy Amerika va Osiyo tomoshabinlari orasida mamlakatning tanilishini oshirishga qaratilgan keng ko‘lamli PR-kampaniyalar amalga oshirilmoqda.
CNN Travel O‘zbekistonni 2024-yilning eng yaxshi sayyohlik manzillari ro‘yxatiga kiritib, uning boy tarixiy-madaniy merosi, vizasiz rejimi hamda tezyurar poyezdlar va yangi mehmonxona loyihalari kabi zamonaviy infratuzilma yechimlarini alohida ta’kidladi.
CNN materiallarida Samarqand, Buxoro, Xiva va Toshkentning zamonaviy me’morchiligiga alohida e’tibor qaratilgan bo‘lib, bu mamlakat nafaqat tarix bilan qiziqadigan, balki zamonaviy dizayn ishqibozlari uchun ham jozibador ekanligini ko‘rsatadi.