O‘zbekiston Respublikasi Turizm qo‘mitasi

Jahon super yulduzi Jennifer Lopezning Toshkentdagi konsertiga chiptalar sotuvining boshlanganiga atigi 5 kun o‘tib, tadbir nafaqat O‘zbekiston aholisi, balki xorijlik tomoshabinlar orasida ham katta qiziqish uyg‘otdi.   iTicket.uz chipta operatorining rasmiy ma’lumotlariga ko‘ra, bugungi kunga qadar sotilgan chiptalarning 40 foizini dunyoning 35 mamlakatning fuqarolari xarid qilgan. Bu bo‘lajak tadbirga xalqaro qiziqishning yuqori ekanligidan dalolat beradi va konsertni mintaqaning muhim madaniy hamda sayyohlik hodisasiga aylantirmoqda. Buyurtmalarning asosiy qismi MDH va Markaziy Osiyo mamlakatlaridan - Qozog‘iston, Rossiya, Qirg‘iziston, Tojikistondan, shuningdek, uzoq xorij davlatlaridan, jumladan AQSH, Buyuk Britaniya, Germaniya, Yaponiya, BAA, Janubiy Koreya, Kanada va Saudiya Arabistonidan kelib tushmoqda.   Xorijiy tomoshabinlarning bunday keng ko‘lamli oqimi mamlakat iqtisodiyotiga ijobiy ta’sir ko‘rsatadi. Mehmonxonalar bandligining oshishi, ichki iste’mol hajmining o‘sishi, xizmat ko‘rsatish sohasining, jumladan restoranlar, transport, sayohatlar va suvenirlar savdosining faollashuvi kutilmoqda. Konsertga tashrif buyurgan sayyohlar odatda mamlakatda bir necha kun qolishadi, bu esa kichik va o‘rta biznes uchun, ayniqsa mehmondo‘stlik va turizm sohasida ko‘paytiruvchi ta’sir ko‘rsatadi. Bunday yuqori darajadagi tadbirni o‘tkazish O‘zbekistonning mintaqadagi yangi madaniy markaz sifatidagi nufuzini oshiribgina qolmay, balki mamlakatni xalqaro san’atkorlar uchun jozibador yo‘nalish va ijodiy iqtisodiyotga sarmoya kiritish maskani sifatida ham targ‘ib qilishga xizmat qiladi. Chiptalarni www.iticket.uz rasmiy sayti orqali xarid qilish mumkin.