Farg‘onada “NomadMania” xalqaro mustaqil sayohatchilar klubining 5-konferensiyasi o‘tkazildi
2025-06-09 13:25:00 / Yangiliklar
“NomadMania Conference-5” loyihasida ishtirok etish uchun Farg‘onaga 30 dan ortiq davlatdan 100 nafar sayohatchi tashrif buyurdi. Mehmonlar orasida dunyoning barcha davlatlariga sayohat qilgan 19 nafar mashhur sayohatchining ishtiroki alohida e’tiborga loyiq.
Konferensiya doirasida sayohatchilarga Farg‘ona viloyati hokimligi va viloyat Turizm boshqarmasi nomidan sertifikatlar topshirildi.
Sayohatchilar Marg‘ilon va Qo‘qon shaharlari bilan bir qatorda viloyatning anklav hududlari — So‘x tumani hamda Shohimardon qishlog‘iga ham tashrif buyurishdi. Ayniqsa, Shohimardonga bu kabi yirik sayohatchilar guruhi ilk bor tashrif buyurgani alohida ahamiyat kasb etadi. Farg‘onaning, xususan, So‘x tumani va Shohimardon qishlog‘ining betakror tabiati sayyohlarda katta taassurot qoldirdi.
Kelgusida “NomadMania” xalqaro mustaqil sayohatchilar klubi bilan hamkorlikni davom ettirish, shuningdek, shu kabi loyihalar orqali Farg‘ona viloyatiga xorijiy sayyohlar oqimini oshirish bo‘yicha kelishuvga erishildi.