O‘zbekiston Xitoyda bir qator tadbirlarni muvaffaqiyatli o‘tkazmoqda
2025-05-06 11:45:00 / Yangiliklar
Mazkur tadbirlar Xitoy turizm sohasi vakillari orasida katta qiziqish uyg‘otdi. Ikki shahardagi taqdimot dasturlarida 200 dan ortiq ishtirokchi - yetakchi sayyohlik kompaniyalari, mehmonxona tarmoqlari, transport kompaniyalari, investitsiya tuzilmalari vakillari, shuningdek, turizm sohasi mutaxassislari qatnashdi.
Ikki davlat sayyohlik kompaniyalari o‘rtasidagi “roadshow” davomida xitoylik sayyohlarni O‘zbekistonga qabul qilish bo‘yicha 20 dan ortiq hamkorlik bitimi imzolandi.
Tashrif doirasida ishbilarmonlik va ta’lim turizmini rivojlantirishga alohida e’tibor qaratildi. Shu munosabat bilan, Xitoy turizm palatasi (China Chamber of Tourism) vakillari bilan uchrashuv o‘tkazildi va unda mazkur yo‘nalishlarda hamkorlikni kengaytirish istiqbollari muhokama etildi.