“TANDIR FEST” — Boysunda milliy an’analar bayrami bo‘lib o‘tmoqda
2025-05-03 10:00:00 / Yangiliklar
Milliy qadriyatlarimizni, boy oshpazlik an’analarimizni, xalq amaliy san’ati va madaniy merosimizni keng targ‘ib etish hamda yurtimizga sayyohlar oqimini ko‘paytirish maqsadida o‘tkazilayotgan mazkur festivalda Surxondaryo viloyatining 15 ta hududlaridan kelgan oshpazlar vohaning gastronomik turizm salohiyati keng namoyish etmoqda.
Uch kun davom etadigan festivalda mehmonlar uchun mohir oshpazlar ishtirokida “Tandiri go‘shti”ni tayyorlash bo‘yicha mahorat darslari, milliy an’analar va xalq amaliy san’ati ko‘rgazmalari, madaniy-hunarmandchilik yarmarkalari, havo sharlari uchirish tadbirlari jonli kuy-qo‘shiqlar, folklor jamoalar chiqishlari hamda milliy raqslar namoyishi tashkil etilgan.
Festivalning tagtanali yopilish marosimi taniqli san’atkorlar ishtirokidagi galakonsert bilan yakunlanadi.