“Orol turizmi” xalqaro haftaligi doirasida Nukus shahrining turistik yo‘nalishlari bo‘ylab info-tur tashkillashtirildi
2025-04-23 11:45:00 / Yangiliklar
17-19-aprel kunlari Qoraqalpog‘iston Respublikasida oʻtkazilgan “Orol turizmi” xalqaro haftaligi doirasida tadbir mehmonlari va OAV vakillari ishtirokida Nukus shahrining turistik yo‘nalishlari bo‘ylab infotur tashkil etildi.
Info-turda mehmonlar I.V.Savitskiy nomidagi Qoraqalpog‘iston davlat san’at muzeyi, Qoraqalpog‘iston Respublikasi tarixi va madaniyati davlat muzeyi, Mizdaxqon qadimiy majmuasi hamda “Qoraqalpoq etno ovuli” turistik maskanida bo‘ldilar.
Shuningdek, ishtirokchilar Nukus shahrining zamonaviy arxitekturasi, shaharning markaziy maydoni, va mahalliy hunarmandchilik mahsulotlari bilan tanishishdilar. Info-tur davomida mehmonlarga Qoraqalpog‘istonning boy madaniy merosi, urf-odatlari va milliy taomlari haqida keng ma’lumotlar berildi.
Tadbir yakunida mehmonlar Orolbo‘yidagi turizm salohiyatining yuksakligini e’tirof etib, bunday tashabbuslar mintaqaviy turizmni rivojlantirishda muhim ahamiyatga ega ekanligini ta’kidladilar.