O‘zbekiston Respublikasi Turizm qo‘mitasi

Uchrashuv davomida tomonlar O‘zbekiston va Pokiston o‘rtasidagi turizm sohasidagi hamkorlikni rivojlantirishning dolzarb masalalari va istiqbollarini muhokama qildilar. Ikki mamlakat o‘rtasidagi sayyohlik almashinuvini kengaytirish va bu yo‘nalishda qo‘shma loyihalarni amalga oshirish masalalariga alohida e’tibor qaratildi. Tomonlar hamkorlikni faollashtirish, xususan, madaniy-tarixiy diqqatga sazovor joylar va ziyorat turizmini qamrab olgan sayyohlik yo‘nalishlarini rivojlantirish borasida o‘zaro manfaatdorlik bildirdilar. Shuningdek, pokistonlik sayyohlarni O‘zbekistonga jalb etish uchun qulay shart-sharoitlar yaratish, ikki mamlakatning tegishli idora va tashkilotlari o‘rtasidagi hamkorlikni yanada kengaytirish, viza tartibini soddalashtirish va transport logistikasini takomillashtirish bo‘yicha ko‘rilayotgan chora-tadbirlar atroflicha muhokama qilindi. Uchrashuv yakunida tomonlar mazkur masalalarni hal etish yuzasidan doimiy muloqotni izchil davom ettirish hamda O‘zbekistonning sayyohlik salohiyatini targ‘ib qilish bo‘yicha qo‘shma kampaniya o‘tkazishga kelishib oldilar.