Nukus shahrida Ichki turizm yarmarkasi o‘tkazildi
2025-03-28 10:30:00 / Yangiliklar
Qoraqalpog‘iston Respublikasi Nukus shahri Yoshlar agentligida hududning turizm salohiyatini keng targ‘ib qilish, mahalliy sayohatchilarni jalb etish va turizm eksportini oshirish maqsadida “O‘zbekiston bo‘ylab sayohat qil!” Ichki turizm yarmarkasi o‘tkazildi.
Yarmarka Qoraqalpog‘iston Respublikasi turizm boshqarmasi tomonidan tashkil etilgan bo‘lib, unda mahalliy turistik korxonalar, mehmonxona, xostel, mehmon uylari va turizm sohasidagi tadbirkorlik subyektlari ishtirok etdi.
Tadbirda hunarmandchilik va milliy suvenirlar mahsulotlari yarmarkasi, turistik korxona va joylashtirish vositalarining bugungi kundagi mavjud imkoniyatlarini aks etuvchi taqdimotlar, shuningdek, tadbirkorlar orasida B2B uchrashuvlar o‘tkazildi. Yarmarka so‘ngida ichki turizm sohasining eng faol vakillariga Qoraqalpog‘iston Respublikasi turizm boshqarmasining tashakkurnomalari va esdalik sovg‘alari topshirildi.