Turizm qo‘mitasi va Vestminster universiteti o‘rtasida o‘zaro anglashuv Memorandumi imzolandi
2025-03-26 17:55:00 / Yangiliklar
Turizm qo‘mitasi raisi o‘rinbosari S.Niyazov va Toshkent shahridagi Xalqaro Vestminster universiteti (TXVU) rektori K.Karimov TXVU talabalari va bitiruvchilari uchun yangi ta’lim va kasbiy imkoniyatlar yaratishga hamda O‘zbekiston turizm sohasining barqaror rivojlanishiga ko‘maklashishga qaratilgan o‘zaro anglashuv Memorandumini imzolandilar.
Bitim tajriba almashish, O‘zbekistonning sayyohlik salohiyatini targ‘ib qilish va yosh mutaxassislarning innovatsion g‘oyalarini rivojlantirish maqsadida tuzildi. Hamkorlikning asosiy jihati malakali kadrlar tayyorlashdir - TXVU talabalari va bitiruvchilari Qo‘mita va uning hududiy bo‘linmalarida amaliyot dasturlarida qatnashish, amaliy tajriba orttirish va sohani rivojlantirishga hissa qo‘shish imkoniyatiga ega bo‘ladilar.
Hamkorlik doirasida turizm sohasidagi mutaxassislar bilan ma’ruzalar, seminarlar, mahorat darslari va treninglar tashkil etilib, bilim almashish jarayoni yo‘lga qo‘yiladi.