O‘zbekiston Respublikasi Turizm qo‘mitasi

Filmda “Tashkent City” ishbilarmonlik markazi osmono‘par binolari va hashamatli mehmonxonalari bilan, tog‘ chang‘i va ekologik turizm markazlariga aylangan “Amirsoy Mountain Resort” va “Zamin Resort” kabi noyob sayyohlik majmualarini yaratishdagi yutuqlar namoyish etilgan. Shuningdek, kadrda madaniy, sport va ishbilarmonlik turizmini o‘zida mujassam etgan, dam olish va biznesning turli ko‘rinishlari uchun betakror imkoniyatlar taqdim etuvchi “Silk Road Samarkand” sayyohlik markazini ko‘rish mumkin.

Turizm sohasida faoliyat yuritayotgan insonlarga alohida e’tibor qaratilmoqda: mehmonxona boshqaruvchilari, mehmonxona biznesi bo‘yicha ekspertlar, shuningdek, innovatsion sayyohlik loyihalarini yaratuvchi va jahon miqyosidagi kurortlarni rivojlantiruvchi mutaxassislar.

Bundan tashqari, turizm sohasida kadrlar tayyorlash uchun ta’lim dasturlarini rivojlantirish ham muhim ahamiyat kasb etadi. “Ipak yo‘li” xalqaro turizm va madaniy meros universiteti hamda UNWTO Xalqaro turizm akademiyasi sohaning yangi yetakchilarini tayyorlamoqda.

O‘zbekistonda turizmning rivojlanishi mamlakat iqtisodiyoti uchun yangi istiqbollarni ochadi va uning xalqaro imijini mustahkamlaydi. Madaniy merosni asrash, innovatsiyalarni joriy etish va infratuzilmani yaxshilash tobora ko‘proq sayyohlarni jalb qilish imkonini bermoqda.