O‘zbekiston Tokio shahrida bo‘lib o‘tayotgan dunyodagi yirik xalqaro turizm ko‘rgazmalaridan biri — Tourism EXPO Japan 2026da ishtirok etmoqda
2026-09-25 20:35:00 / Yangiliklar
O‘zbekiston milliy delegatsiyasi tarkibidan turizm va aviatsiya sohasining yetakchi vakillari, jumladan,Uzbekistan Airways, Tourlink, Megatour, Assalam Travel, Moel Bosh va Elite Cars Travelkompaniyalari o‘rin olgan.
24–25-sentyabr kunlari ko‘rgazma doirasida Trade Days — turizm sohasi mutaxassislarini bir maydonda jamlaydigan hamda xalqaro turizm biznesi vakillari o‘rtasida B2B uchrashuvlarini tashkil etishga qaratilgan biznes dasturi bo‘lib o‘tdi.
Tourism EXPO Japan ko‘rgazmasi Yaponiya Turizm va sayohatlar assotsiatsiyasi (JTTA), Yaponiya sayyohlik agentliklari assotsiatsiyasi (JATA) hamda Yaponiya Milliy turizm tashkiloti (JNTO) tomonidan tashkil etilmoqda.
2026-yilda ko‘rgazmada 70 ta davlat vakillari ishtirok etmoqda. Tokyo Big Sight majmuasining East Exhibition Halls pavilyonlarida milliy va xalqaro ishtirokchilarning 1300 dan ortiq stendlari namoyish etilmoqda.