Özbekiston Respublikasi Turizm qömitasi

Mazkur kompaniyalar BAA turizm bozorining eng yirik va faol ishtirokchilaridan hisoblanadi. 1977-yilda tashkil etilgan Al Rais Travel kompaniyasi 27 ta ofisga ega bo‘lib, 19 ta aviakompaniya manfaatlarini ifodalaydi. 2007-yilda Abu-Dabida tashkil etilgan Nirvana Travel & Tourism kompaniyasi 2025-yilda World Travel Awards tomonidan “Dunyoning yetakchi turoperatori” va “Biznes safarlarini boshqarish bo‘yicha dunyoning yetakchi kompaniyasi” deb e’tirof etilgan. Dnata Travel esa turizm va havo transporti sohalarida dunyoning 35 dan ortiq mamlakatida faoliyat yuritadi.

Muzokaralar davomida Birlashgan Arab Amirliklari hamda mintaqaning boshqa davlatlaridan O‘zbekistonga sayyohlar oqimini oshirish bo‘yicha amaliy choralar muhokama qilindi. Xususan, oilaviy sayohatlar, individual sayyohlar, yoshlar, shuningdek, premium va MICE segmentlariga yo‘naltirilgan turistik paketlarni shakllantirish va targ‘ib qilish masalalariga alohida e’tibor qaratildi.

Kompaniyalar menejerlari va hamkor agentliklari uchun vebinarlar hamda taqdimotlar tashkil etishga kelishib olindi. Mazkur tadbirlarda O‘zbekistonning turistik imkoniyatlari, yangi yo‘nalishlar va joylashtirish vositalari, mamlakatga kirish shartlari, transport qatnovlari, shuningdek, madaniy, gastronomik, ziyorat va tabiiy turizm yo‘nalishlari haqida ma’lumotlar taqdim etiladi.

Shuningdek, tomonlar marketing tadqiqotlari va statistik ma’lumotlar almashinuvini yo‘lga qo‘yish, mintaqa davlatlaridan keluvchi sayyohlarning talabi va afzalliklarini birgalikda tahlil qilishga kelishib oldilar. Mazkur ishlar natijalari asosida sayyohlarning ehtiyojlariga moslashtirilgan turistik mahsulotlarni ishlab chiqish va reklama kampaniyalarini o‘tkazish rejalashtirilgan.

Hamkorlikning istiqbolli yo‘nalishlari qatorida O‘zbekiston bo‘yicha turistik paketlarni kompaniyalarning sotuv kanallariga joylashtirish, qo‘shma reklama kampaniyalarini tashkil etish, yetakchi turoperatorlar va ommaviy axborot vositalari vakillari uchun tanishtiruv safarlarini o‘tkazish, shuningdek, mavsumiy maxsus takliflarni targ‘ib qilish belgilandi.

Mazkur kompaniyalar vakillari 2026-yil noyabr oyida bo‘lib o‘tadigan Toshkent xalqaro turizm yarmarkasida ishtirok etishga qiziqish bildirdilar.