Turizm sohasida qonunchilik talablariga rioya qilish masalalari muhokama qilindi
2026-08-12 12:05:00 / Yangiliklar
Turizm qo‘mitasida turizm sohasida qonunchilik talablariga rioya qilish va tadbirkorlik subyektlari orasida profilaktika tadbirlarini o‘tkazish masalalariga bag‘ishlangan seminar-yig‘ilish o‘tkazildi.
Yig‘ilishda Bosh prokuratura, Davlat xavfsizlik xizmati, Prezident huzuridagi Tadbirkorlik sub’ektlarining huquqlari va qonuniy manfaatlarini himoya qilish bo‘yicha vakil devoni mas’ul xodimlari, shuningdek, qo‘mita markaziy apparati va hududiy boshqarmalar vakillari ishtirok etdi.
Tadbirda tadbirkorlar faoliyatini tekshirishni tashkil etish tartibi, tekshiruvlarni qonun hujjatlarida belgilangan tartibda o‘tkazish hamda ularning natijalari yuzasidan tushuntirishlar berildi.
Shuningdek, huquqni muhofaza qilish organlari xodimlari tomonidan sohadagi dolzarb muammolar — fuqarolarni aldash, tegishli xizmatlarni ko‘rsatmaslik hamda litsenziya va ruxsat etuvchi hujjatlarsiz faoliyat yuritish holatlari muhokama qilindi.