O‘zbekiston Respublikasi Turizm qo‘mitasi

Oʻzbekiston Respublikasi Prezidentining 15.01.2022 yildagi “Turizm, madaniyat, madaniy meros va sport sohalarini yanada rivojlantirish uchun qoʻshimcha sharoitlar yaratish toʻgʻrisida”gi PF-52-son Farmoniga muvofiq.

2022-yil 1-maydan boshlab yoshlarning tadbirkorlik tashabbuslarini qoʻllab-quvvatlash maqsadida Davlat budjetidan Turizm va sportni qoʻllab-quvvatlash jamgʻarmasiga ajratiladigan mablagʻlar hisobidan har bir tashabbuskorga 50 mln soʻm miqdorida, jami 10 mlrd soʻmgacha grantlar ajratiladi. Talabgor 30 yoshdan oshmagan bo‘lishi lozim. Bunda:

grant mablagʻlari onlayn toʻlovlarni qabul qiluvchi zamonaviy veb-sayt yaratishga, xorijiy mamlakatlardagi turizm koʻrgazma va yarmarkalarida ishtirok etishga yoʻnaltiriladi;

grant mablagʻlari belgilangan tartibda xorijiy mamlakatlardan Oʻzbekiston Respublikasiga uch yil davomida kamida 200 nafar xorijiy turistlar uchun tur tashkil qilish sharti bilan ajratiladi.

Oʻzbekiston Respublikasi Vazirlar Mahkamasining 07.09.2024-yildagi “Mehmonxona xoʻjaligi faoliyatini davlat tomonidan qoʻllab-quvvatlash sohasidagi ayrim normativ-huquqiy hujjatlarni tasdiqlash toʻgʻrisida”gi 550-sonli qaroriga muvofiq.

Investorlarga subsidiya 3 yulduzli toifaga va 60 ta xonadan kam boʻlmagan xonalar fondiga ega yoki 4 va 5 yulduzli toifaga va 120 ta xonadan kam boʻlmagan xonalar fondiga ega binosi besh qavatdan past boʻlmagan yangi qurilgan mehmonxona uchun ajratiladi. Bunda:

3 yulduzli toifaga ega mehmonxonalardagi har bir xona uchun 40 million soʻmni;

4 va 5 yulduzli toifaga ega mehmonxonalardagi har bir xona uchun 65 million soʻmni tashkil etadi.

Tashkilotlar (mehmonxonalar) dunyoning taniqli va nufuzli mehmonxona brendlaridan foydalanish boʻyicha franchayzing toʻgʻrisidagi shartnoma kuchga kirgan vaqtdan boshlab, uch yil mobaynida har yili bir marta Davlat budjeti mablagʻlari hisobidan moliyalashtiriladi. Bunda franchayzing toʻgʻrisidagi shartnomalar 2019-yil 5-yanvardan soʻng kuchga kirgan boʻlishi lozim.

Tashkilotlarni (mehmonxonalarni) moliyalashtirish quyidagi hajmda amalga oshiriladi:

3 yulduzli toifaga ega mehmonxona uchun — mehmonxonaning har bir xonasi uchun yillik 200 AQSH dollari ekvivalentida;

4 yulduzli toifaga ega mehmonxona uchun — mehmonxonaning har bir xonasi uchun yillik 400 AQSH dollari ekvivalentida;

5 yulduzli toifaga ega mehmonxona uchun — mehmonxonaning har bir xonasi uchun yillik 600 AQSH dollari ekvivalentida.

Oʻzbekiston Respublikasi Vazirlar Mahkamasining 18.04.2024-yildagi “Surxondaryo viloyatida yangi mehmonxona qurish va uni jihozlash uchun investorlarga Oʻzbekiston Respublikasining Davlat budjetidan subsidiya ajratish tartibi toʻgʻrisidagi vaqtinchalik nizomni tasdiqlash haqida”gi 218-son qaroriga muvofiq

Surxondaryo viloyatida investorlar tomonidan yangi mehmonxona qurish va uni jihozlash (rekonstruksiya qilish bundan mustasno) xarajatlarining bir qismini qoplash uchun Oʻzbekiston Respublikasining Davlat budjetidan bir martalik subsidiya ajratiladi Bunda Surxondaryo viloyatida investorlar tomonidan yangi mehmonxona qurish va uni jihozlash (rekonstruksiya qilish bundan mustasno) xarajatlarining bir qismini qoplash uchun Oʻzbekiston Respublikasining Davlat budjetidan bir martalik subsidiya ajratiladi.

subsidiya quyidagi miqdorlarda ajratiladi:

toifasiz mehmonxonadagi har bir xona uchun — 15 mln soʻm;

1 yulduzli toifaga ega mehmonxonadagi har bir xona uchun — 20 mln soʻm;

2 yulduzli toifaga ega mehmonxonadagi har bir xona uchun — 25 mln soʻm.

 

Oʻzbekiston Respublikasi Vazirlar Mahkamasining 17.04.2025 yildagi “Xorazm viloyatida yangi mehmonxona qurish va uni jihozlash uchun investorlarga Oʻzbekiston Respublikasining Davlat budjetidan subsidiya ajratish tartibi toʻgʻrisidagi vaqtinchalik nizomni tasdiqlash haqida” 233-sonli qaroriga muvofiq.

Xorazm viloyatida investorlar tomonidan foydalanishga topshirilgan mehmonxonalarning har bir xonasi uchun Oʻzbekiston Respublikasining Davlat budjetidan quyidagi miqdorlarda bir martalik subsidiya ajratiladi.

Subsidiya quyidagi miqdorlarda ajratiladi:

toifasiz mehmonxonadagi har bir xona uchun — 10 mln soʻm;

1 yulduzli toifaga ega mehmonxonadagi har bir xona uchun — 15 mln soʻm;

2 yulduzli toifaga ega mehmonxonadagi har bir xona uchun — 20 mln soʻm.

 

Oʻzbekiston Respublikasi Vazirlar Mahkamasining 16.05.2024 yildagi “Qoraqalpogʻiston Respublikasida mehmonxona xizmatlarini rivojlantirish hamda qulay shart-sharoitlar yaratish chora-tadbirlari toʻgʻrisida”gi 287-son qaroriga muvofiq.

Qoraqalpogʻiston Respublikasida faoliyat yuritayotgan, yulduz toifasiga ega boʻlmagan mavjud mehmonxonalarni uch yulduzli toifaga aylantirish maqsadida tadbirkorlik subyektiga mehmonxona xonalarini jihozlash uchun sarflangan xarajatlarning bir qismini qoplab berish uchun subsidiya ajratish tartibini belgilaydi.

Uch yulduzli toifaga aylantiriladigan mavjud mehmonxonalarning har bir xonasiga yigirma million soʻmdan subsidiya ajratiladi.

Oʻzbekiston Respublikasi Vazirlar Mahkamasining 30.12.2024 yildagi “Tarixiy obyektlar va turizm rivojlanmagan hududlarda mehmonxonalar faoliyatini rivojlantirish chora-tadbirlari toʻgʻrisida” 919-son qaroriga muvofiq.

Subsidiya YUNESKOning Umumjahon madaniy merosi roʻyxatiga kiritilgan hududlarda quriladigan qavatlar sonidan qatʼiy nazar mehmonxonalarning toifasi va mehmonxona mavjud boʻlmagan 22 ta tuman (shahar)larda yangi qurilgan kichik otellarning xonalar sonidan kelib chiqqan holda ajratiladi.

Subsidiya investorlarga YUNESKOning Umumjahon madaniy merosi roʻyxatiga kiritilgan hududlarda mehmonxonalar va respublikaning mehmonxona mavjud boʻlmagan tuman (shahar)larida kichik otellar qurish (rekonstruksiya qilish bundan mustasno) va ularni jihozlash xarajatlarining bir qismini qoplash maqsadida Davlat budjetidan bir marta ajratiladi.

Mehmonxona mavjud boʻlmagan tuman (shahar)lar

ROʻYXATI

T/r	Hudud nomi	Tuman (shahar) nomi
1.	Qoraqalpogʻiston Respublikasi	Beruniy tumani
2.		Nukus tumani
3.		Xoʻjayli tumani
4.		Chimboy tumani
5.	Andijon viloyati	Xoʻjaobod tumani
6.		Asaka tumani
7.	Buxoro viloyati	Peshku tumani
8.		Qorovulbozor tumani
9.	Jizzax viloyati	Gʻallaorol tumani
10.	Qashqadaryo viloyati	Yakkabogʻ tumani
11.	Navoiy viloyati	Qiziltepa tumani
12.		Navbahor tumani
13.		Tomdi tumani
14.	Namangan viloyati	Toʻraqoʻrgʻon tumani
15.		Yangi Namangan tumani
16.	Samarqand viloyati	Payariq tumani
17.		Nurobod tumani
18.	Sirdaryo viloyati	Yangiyer shahri
19.	Toshkent viloyati	Parkent tumani
20.	Fargʻona viloyati	Uchkoʻprik tumani
21.		Beshariq tumani
22.	Xorazm viloyati	Shovot tumani

 

 Oʻzbekiston Respublikasi Vazirlar Mahkamasining 27.01.2026 yildagi “Yangi zamonaviy suzish havzalarini (basseyn) qurish va ishga tushirish bilan bogʻliq xarajatlarni qoplash boʻyicha davlat xizmatini koʻrsatishning maʼmuriy reglamentini tasdiqlash toʻgʻrisida”gi 29-son qaroriga muvofiq.

Joylashtirish vositalari hamda yirik savdo majmuasi hududida suzish havzalarini tashkil etish xarajatlarining 50 foizigacha, lekin 100 million soʻmdan oshmagan qismi uchun ajratiladi.

Oʻzbekiston Respublikasi Vazirlar Mahkamasining 12.08.2024 yildagi “Toʻsiqsiz turizm orqali turizm imkoniyatlarini yanada kengaytirish boʻyicha qulay shart-sharoitlar yaratish chora-tadbirlari toʻgʻrisida” 498-son qaroriga muvofiq.

Mehmonxona xizmatlarini koʻrsatayotgan tadbirkorlik subyektlariga mehmonxona xonalarini nogironligi boʻlgan shaxslar uchun moslashtirish boʻyicha xarajatlarning bir qismini qoplab beriladi.

Tadbirkorlik subyektlari tomonidan mehmonxonaning kamida uchta xonasi nogironligi boʻlgan shaxslar oʻrindiqli aravachasidan foydalanishi uchun qulay tarzda jihozlanganda, shuningdek, eshitishi va koʻrishi uchun displey hamda ovozli qurilmalar oʻrnatilganda, ushbu tadbirkorlik subyektlariga har bir maxsus jihozlangan xona uchun quyidagi miqdorlarda subsidiya ajratiladi:

yulduz toifasini olgan mehmonxonalarga — 2 million soʻm;

yulduz toifasini olmagan mehmonxonalarga — 1 million soʻm.

 

Yoshlar tadbirkorligini qo‘llab-quvvatlash uchun grantlar

O‘zbekiston Respublikasi Prezidentining 2022-yil 15-yanvardagi PF–52-sonli “Turizm, madaniyat, madaniy meros va sport sohalarini yanada rivojlantirish uchun qo‘shimcha sharoitlar yaratish to‘g‘risida”gi Farmoniga muvofiq, 2022-yil 1-maydan boshlab yoshlarning turizm sohasidagi tadbirkorlik tashabbuslarini qo‘llab-quvvatlash mexanizmi joriy etildi.

Mazkur tartibga ko‘ra, Turizm va sportni qo‘llab-quvvatlash jamg‘armasi mablag‘lari hisobidan har bir tashabbuskorga 50 million so‘mgacha grant ajratiladi. Umumiy grantlar hajmi 10 milliard so‘mgacha etib belgilangan.

Grant olish uchun talabgorning yoshi 30 yoshdan oshmagan bo‘lishi kerak. Ajratilgan mablag‘lar:

onlayn to‘lov tizimiga ega zamonaviy veb-sayt yaratish;

xorijiy davlatlarda tashkil etiladigan turizm ko‘rgazmalari va yarmarkalarida ishtirok etish;

O‘zbekistonga xorijiy turistlarni jalb etishga qaratilgan loyihalarni amalga oshirishga yo‘naltiriladi.

Bunda grant oluvchi uch yil davomida kamida 200 nafar xorijiy turist uchun turpaketlar tashkil etishi shart.

Yangi mehmonxonalar qurilishi uchun subsidiyalar

Vazirlar Mahkamasining 2024-yil 7-sentabrdagi 550-son qarori mehmonxona xo‘jaligi faoliyatini davlat tomonidan qo‘llab-quvvatlashning yangi mexanizmlarini belgilab berdi.

Mazkur qarorga ko‘ra, investorlar tomonidan qurilgan:

kamida 60 ta xonadan iborat 3 yulduzli;

kamida 120 ta xonadan iborat 4 yoki 5 yulduzli;

binosi kamida 5 qavatli bo‘lgan yangi mehmonxonalar uchun subsidiya ajratiladi.

Subsidiya miqdori quyidagicha:

3 yulduzli mehmonxonalarning har bir xonasi uchun – 40 million so‘m;

4 va 5 yulduzli mehmonxonalarning har bir xonasi uchun – 65 million so‘m.

Mazkur mexanizm yirik zamonaviy mehmonxonalar qurilishini rag‘batlantirishga xizmat qiladi.

Xalqaro mehmonxona brendlarini jalb etish

550-son qaror bilan dunyoning taniqli va nufuzli mehmonxona tarmoqlari bilan franchayzing shartnomalari tuzgan mehmonxonalarni qo‘llab-quvvatlash tartibi ham belgilangan.

Agar franchayzing shartnomasi 2019-yil 5-yanvardan keyin kuchga kirgan bo‘lsa, mehmonxona uch yil davomida har yili bir marotaba davlat budjeti mablag‘lari hisobidan moliyalashtiriladi.

Moliyalashtirish hajmi:

3 yulduzli mehmonxonalarga – har bir xona uchun yiliga 200 AQSH dollari ekvivalenti;

4 yulduzli mehmonxonalarga – har bir xona uchun yiliga 400 AQSH dollari ekvivalenti;

5 yulduzli mehmonxonalarga – har bir xona uchun yiliga 600 AQSH dollari ekvivalenti.

Bu imtiyoz xalqaro standartlarni joriy etish va O‘zbekiston mehmonxonalarining global turizm bozoridagi raqobatbardoshligini oshirishga qaratilgan.

Surxondaryo viloyatida mehmonxona qurilishini rag‘batlantirish

Vazirlar Mahkamasining 2024-yil 18-apreldagi 218-son qarori asosida Surxondaryo viloyatida yangi mehmonxonalar qurish va ularni jihozlash xarajatlarining bir qismini qoplash uchun davlat budjetidan bir martalik subsidiya ajratiladi.

Subsidiya miqdori:

toifasiz mehmonxonalarda har bir xona uchun – 15 million so‘m;

1 yulduzli mehmonxonalarda har bir xona uchun – 20 million so‘m;

2 yulduzli mehmonxonalarda har bir xona uchun – 25 million so‘m.

Mazkur subsidiya rekonstruksiya qilingan obyektlarga emas, faqat yangi qurilgan mehmonxonalarga tatbiq etiladi.

Xorazm viloyatida yangi mehmonxonalar uchun subsidiya

Vazirlar Mahkamasining 2025-yil 17-apreldagi 233-son qarori bilan Xorazm viloyatida foydalanishga topshirilgan yangi mehmonxonalar uchun ham davlat tomonidan moliyaviy yordam joriy etilgan.

Subsidiya miqdorlari:

toifasiz mehmonxona uchun – 10 million so‘m;

1 yulduzli mehmonxona uchun – 15 million so‘m;

2 yulduzli mehmonxona uchun – 20 million so‘m.

Mazkur chora viloyatda turizm infratuzilmasini rivojlantirish va yangi joylashtirish vositalari sonini ko‘paytirishga xizmat qiladi.

Qoraqalpog‘istonda mavjud mehmonxonalarni modernizatsiya qilish

Vazirlar Mahkamasining 2024-yil 16-maydagi 287-son qaroriga muvofiq, Qoraqalpog‘iston Respublikasida faoliyat yuritayotgan va yulduz toifasiga ega bo‘lmagan mehmonxonalarni 3 yulduzli toifaga o‘tkazish qo‘llab-quvvatlanadi.

Buning uchun mehmonxona xonalarini jihozlash xarajatlarining bir qismini qoplash maqsadida subsidiya ajratiladi.

Har bir xonaga:

20 million so‘m miqdorida subsidiya beriladi.

Bu mexanizm hududdagi mavjud mehmonxonalarning xizmat ko‘rsatish sifatini oshirishga qaratilgan.

Tarixiy hududlar va turizm rivojlanmagan tumanlarda mehmonxonalar qurilishini qo‘llab-quvvatlash

Vazirlar Mahkamasining 2024-yil 30-dekabrdagi 919-son qarori asosida UNESCOning Umumjahon madaniy merosi ro‘yxatiga kiritilgan hududlar hamda mehmonxona mavjud bo‘lmagan 22 ta tuman va shaharda yangi mehmonxonalar qurilishi rag‘batlantiriladi.

Davlat budjetidan ajratiladigan subsidiya:

yangi mehmonxonalar va kichik otellar qurish;

ularni zamonaviy uskunalar bilan jihozlash xarajatlarining bir qismini qoplash uchun bir martalik tartibda beriladi.

Mazkur dastur doirasida Qoraqalpog‘iston Respublikasining Beruniy, Nukus, Xo‘jayli va Chimboy tumanlari, Andijon viloyatining Xo‘jaobod va Asaka tumanlari, Buxoro viloyatining Peshku va Qorovulbozor tumanlari, Jizzax viloyatining G‘allaorol tumani, Qashqadaryo viloyatining Yakkabog‘ tumani, Navoiy viloyatining Qiziltepa, Navbahor va Tomdi tumanlari, Namangan viloyatining To‘raqo‘rg‘on va Yangi Namangan tumanlari, Samarqand viloyatining Payariq va Nurobod tumanlari, Sirdaryo viloyatining Yangiyer shahri, Toshkent viloyatining Parkent tumani, Farg‘ona viloyatining Uchko‘prik va Beshariq tumanlari hamda Xorazm viloyatining Shovot tumani qamrab olingan.

Suzish havzalari qurilishi uchun subsidiya

Vazirlar Mahkamasining 2026-yil 27-yanvardagi 29-son qaroriga muvofiq, mehmonxonalar va yirik savdo majmualari hududida yangi zamonaviy basseynlar qurish va foydalanishga topshirish xarajatlarining bir qismi davlat tomonidan qoplanadi.

Subsidiya miqdori:

xarajatlarning 50 foizigacha;

biroq 100 million so‘mdan oshmagan miqdorda.

Mazkur qo‘llab-quvvatlash mexanizmi mehmonxonalarda qo‘shimcha xizmatlar sifatini oshirishga xizmat qiladi.

Inklyuziv turizm va nogironligi bo‘lgan shaxslar uchun qulay sharoitlar yaratish

Vazirlar Mahkamasining 2024-yil 12-avgustdagi 498-son qarori bilan mehmonxonalarda nogironligi bo‘lgan shaxslar uchun moslashtirilgan xonalarni tashkil etishga subsidiya ajratish tartibi joriy etildi.

Buning uchun:

mehmonxonada kamida uchta xona maxsus jihozlangan bo‘lishi;

nogironligi bo‘lgan shaxslarning o‘rindiqli aravachadan foydalanishi uchun qulaylik yaratilishi;

eshitish va ko‘rish imkoniyati cheklangan shaxslar uchun displey hamda ovozli qurilmalar o‘rnatilgan bo‘lishi lozim.

Subsidiya miqdori:

yulduz toifasiga ega mehmonxonalarga – har bir maxsus jihozlangan xona uchun 2 million so‘m;

yulduz toifasiga ega bo‘lmagan mehmonxonalarga – har bir maxsus jihozlangan xona uchun 1 million so‘m.