O‘zbekiston Respublikasi Turizm qo‘mitasi

Muzokaralar doirasida tomonlar turizm, investitsiyalar va ishbilarmonlik almashinuvlari sohalarida hamkorlikni kengaytirish istiqbollarini muhokama qildilar. Ikki mamlakat fuqarolarining O‘zbekiston va Iroqning sayyohlik imkoniyatlariga qiziqishi ortib borayotgani ikki tomonlama hamkorlikni rivojlantirish uchun qo‘shimcha imkoniyatlar yaratayotgani ta’kidlandi.

O‘zaro sayyohlar oqimini ko‘paytirish, ikki mamlakat bozorlarida O‘zbekiston va Iroqning sayyohlik salohiyatini targ‘ib qilish bo‘yicha qo‘shma tadbirlarni amalga oshirish, shuningdek, sayyohlik kompaniyalari va tarmoq tashkilotlari o‘rtasidagi hamkorlikni kengaytirish masalalariga alohida e’tibor qaratildi.

Tomonlar, shuningdek, O‘zbekiston va Iroq o‘rtasida to‘g‘ridan-to‘g‘ri aviaqatnovlarni yo‘lga qo‘yish istiqbollarini, jumladan, Bag‘dod - Toshkent yo‘nalishi bo‘yicha parvozlarni yo‘lga qo‘yish imkoniyatlarini muhokama qildilar, bu esa sayyohlik va ishbilarmonlik aloqalarini yanada rivojlantirishga xizmat qiladi.

Uchrashuv yakunida ikki mamlakat turizm sohasi vakillari o‘rtasidagi hamkorlikni faollashtirish, biznes missiyalari va B2B uchrashuvlarini o‘tkazish amaliyotini kengaytirish, shuningdek, O‘zbekiston va Iroqning turizm salohiyatini ikki mamlakat bozorlarida birgalikda targ‘ib qilish bo‘yicha kelishuvga erishildi.