O‘zbekiston Respublikasi Turizm qo‘mitasi

Uchrashuvda ikki tomonlama hamkorlikni rivojlantirish, ziyorat turizmini kengaytirish hamda O‘zbekistonning tranzit salohiyatidan samarali foydalanish masalalari muhokama qilindi.

Muzokaralar davomida xalqaro turizm bozorida hamkorlikni mustahkamlash, jumladan, Umra ziyoratini tashkil etishda qo‘shma loyihalarni amalga oshirish imkoniyatlari ko‘rib chiqildi. Tomonlar O‘zbekistonni Markaziy Osiyodagi muhim tranzit hab sifatida rivojlantirish, xorijiy ziyoratchilar uchun qulay sharoitlar yaratish va xizmatlar sifatini oshirish bo‘yicha fikr almashdilar.

Shu bilan birga, quyidagi masalalarga alohida e’tibor qaratildi:

— Xalqaro ko‘rgazmalarda amaliy hamkorlikni kuchaytirish, jumladan Jakarta, Toshkent, Istanbul, Kuala-Lumpur va Marokash shaharlarida o‘tkazilishi rejalashtirilgan tadbirlarda faol ishtirok etish, B2B uchrashuvlar tashkil etish va targ‘ibot materiallarini tayyorlash;

— MDH davlatlaridan kelayotgan ziyoratchilar uchun tranzit imkoniyatlarini kengaytirish, xususan Qirg‘iziston, Qozog‘iston va Tojikiston fuqarolari uchun O‘zbekiston orqali sayohatlarni tashkil etish, ularni kamida bir kunlik madaniy-turistik dasturlar bilan qamrab olish.

Uchrashuv yakunida tomonlar kelgusidagi hamkorlik istiqbollarini belgilab oldilar hamda o‘zaro manfaatli loyihalarni amalga oshirish bo‘yicha kelishuvga erishdilar.