O‘zbekiston Respublikasi Turizm qo‘mitasi

Tashrif davomida xorijiy ijodiy guruh mamlakatning madaniy va tarixiy merosi bilan tanishib, Samarqand, Buxoro, Xorazm va Qashqadaryo viloyatlariga, shuningdek, Toshkent shahrining asosiy diqqatga sazovor joylariga, jumladan tarixiy obidalar va zamonaviy me’moriy majmualarga tashrif buyuradi.

Press-tur doirasida ishtirokchilar O‘zbekistonning boy madaniy merosi, tarixiy yodgorliklari va shaharlardagi zamonaviy rivojlanishni aks ettiruvchi noyob fotomateriallar va media kontent yaratmoqdalar. Ushbu materiallar asosida fotoalbom tayyorlash, fotoko‘rgazma tashkil etish, shuningdek Amazon Music va Spotify kabi platformalarda e’lon qilinadigan ispan tilidagi ikkita podkast chiqarish rejalashtirilgan.

Alohida e’tibor fotosuratlarda saqlanib qolgan mintaqaning tarixiy merosini o‘rganishga qaratilgan: ijodiy guruh XIX asr fransuz fotografi Pol Nadarining Turkistonga qilgan sayohatlari bilan bog‘liq arxiv materiallari ustida ishlamoqda. Ushbu tadqiqotlar natijalari ilmiy maqola va mintaqaning vizual narrativlariga bag‘ishlangan ixtisoslashgan jurnallarda chop etiladigan maqolalar turkumi uchun asos bo‘ladi.

Loyihani amalga oshirish O‘zbekistonning turistik salohiyatini ispan va Yevropa auditoriyasi orasida targ‘ib qilish, tarixiy, madaniy va gastronomik turizmni ommalashtirish, shuningdek mamlakatning sayohatlar va madaniy tashabbuslar uchun jozibador yo‘nalish sifatidagi imidjini mustahkamlashga qaratilgan.