Turizm qo‘mitasida Fransiya vakillari bilan tog‘ turizmi sohasidagi hamkorlikni rivojlantirish istiqbollari muhokama qilindi
2026-03-28 18:25:00 / Yangiliklar
Ta’kidlanganidek, mazkur uchrashuv O‘zbekiston Respublikasi Prezidenti Sh. Mirziyoyevning 2025-yil 11–13-mart kunlari Fransiyaga davlat tashrifi doirasida oliy darajada erishilgan kelishuvlarni amalga oshirish yo‘lidagi amaliy qadam sifatida qaralmoqda.
Uchrashuv davomida yil bo‘yi faoliyat yurituvchi tog‘ turizmini rivojlantirishning asosiy yo‘nalishlari etib belgilangan Toshkent, Namangan, Jizzax va Surxondaryo viloyatlarining tog‘li hududlaridagi sayyohlik salohiyati bilan delegatsiyani tanishtirishga alohida e’tibor qaratildi.
O‘zbekiston tomoni jahon darajasidagi tog‘-chang‘i kurortlarini yaratish va boshqarish, jumladan, Kurshevel misolidagi xalqaro tajribasini yuqori baholab, ilg‘or amaliyotlarni O‘zbekiston hududida joriy etishdan manfaatdor ekanini bildirdi.
Shu nuqtayi nazardan, tomonlar hududlarda turizm sohasini va unga yondosh infratuzilmani rivojlantirishning asosiy harakatlantiruvchi kuchiga aylanishi mumkin bo‘lgan yetakchi tog‘-chang‘i kurortini yaratish loyihasini ishlab chiqish tashabbusini muhokama qildilar.
Bunda nafaqat zamonaviy infratuzilma yaratish, balki barqaror, raqobatbardosh va xalqaro miqyosda e’tirof etilgan sayyohlik yo‘nalishini shakllantirish ustuvor vazifa ekanligi alohida ta’kidlandi.