Toshkentda narda bo‘yicha “Asian Grand Prix 2026” xalqaro turniri bo‘lib o‘tadi
2026-03-19 12:05:00 / Yangiliklar
Ushbu turnir turli mamlakatlardan eng kuchli o‘yinchilarni jamlaydi. Bu esa uni nafaqat professional hamjamiyat uchun, balki O‘zbekistonda turizmini rivojlantirish uchun ham muhim voqeaga aylantiradi.
Turnir dasturidan qisqa va uzun narda bo‘yicha asosiy musobaqalar, blits formatlari, ustalar kubogi, juftlik va jamoaviy bahslar, ayollar o‘rtasidagi turnir hamda super-blits va sprint-narda kabi maxsus formatlar o‘rin olgan.
Turnir xalqaro standartlarga muvofiq tashkil etiladi. Unda 2010-yilda tug‘ilgan va undan katta yoshdagi o‘yinchilar ishtirok etishi mumkin. Ro‘yxatdan o‘tish International Backgammon Federation orqali amalga oshiriladi.
“Asian Grand Prix 2026”ning Toshkentda o‘tkazilishi O‘zbekistonning xalqaro sport va intellektual tadbirlar markazi sifatidagi nufuzi ortib borayotganini tasdiqlaydi hamda butun dunyodan o‘yinchilar va sayyohlarning e’tiborini tortadi.