Turizm qo‘mitasida Xalqaro xotin-qizlar kuni munosabati bilan bayramona muhit yaratildi
2026-03-06 14:10:00 / Yangiliklar
Turizm qo‘mitasi raisi Abdulaziz Aqqulov o‘z nutqida Davlatimiz Rahbari tomonidan xotin-qizlarning huquq va imkoniyatlarini kengaytirish borasida amalga oshirilayotgan tub islohotlarga alohida to‘xtalib o‘tdi. Qayd etilganidek, bugungi kunda sohada samarali mehnat qilib kelayotgan xotin-qizlarning kasbiy salohiyati, tashabbuskorligi va fidoyiligi yuksak baholanib, ularning jamiyatimizdagi o‘rni va nufuzi tobora ortib borayotgani alohida qayd etildi. Shuningdek, ularning mehnatini qadrlash, faoliyatini qo‘llab-quvvatlash va yangi yutuqlarga ilhomlantirish muhim vazifa ekani ta’kidlandi.
Tadbir davomida xotin-qizlarga guldastalar hamda esdalik sovg‘alari tantanali ravishda topshirildi. Samimiy tabriklar, iliq tilaklar va ko‘tarinki kayfiyatga boy ushbu bayram tadbiri barchaga unutilmas taassurotlar ulashdi.
O‘zbekiston Respublikasi Turizm qo‘mitasi jamoasi barcha xotin-qizlarni 8-mart – Xalqaro xotin-qizlar kuni bayrami bilan samimiy muborakbod etadi hamda ularga mustahkam sogʻlik, oilaviy baxt va amalga oshirayotgan ishlarida ulkan muvaffaqiyatlar tilaydi.