O‘zbekiston Respublikasi Turizm qo‘mitasi

Muzokaralarning asosiy mavzusi transport qulayligi masalasi bo‘ldi. Tomonlar Cheboksari hamda O‘zbekistonning sayyohlik markazlari (Toshkent, Samarqand, Buxoro va Urganch) o‘rtasida to‘g‘ridan-to‘g‘ri aviaqatnovlarni yo‘lga qo‘yish zarurligini ta’kidladi. Bu sayyohlar oqimini oshirish va safarlarni yanada qulay qilish imkonini beradi. O‘zbekiston tomoni respublikaning sayyohlik salohiyatini, jumladan, Buyuk Ipak yo‘li shaharlari bo‘ylab madaniy-ma’rifiy yo‘nalishlarni, sanatoriy-sog‘lomlashtirish maskanlarini, shuningdek, tog‘ va sanoat turizmini taqdim etdi.

Uchrashuv yakunida ikki mintaqaning turizm salohiyatini targ‘ib qilish, jumladan, turoperatorlar uchun infoturlar o‘tkazish bo‘yicha qo‘shma chora-tadbirlar “yo‘l xaritasi”ni ishlab chiqishga kelishib olindi.