Euronews O‘zbekistonning sayyohlik durdonalarini namoyish etdi - Samarqanddan tortib Navoiygacha
2025-12-12 15:15:00 / Yangiliklar
Ko‘rsatuvda har yili millionlab sayyohlarni o‘ziga jalb etadigan Shohi Zinda, Bibixonim masjidi, Ichan qal’a va Buxoroning tarixiy markazi kabi yetakchi sayyohlik maskanlari namoyish etilgan. Ayniqsa, Navoiy viloyatidagi Zarafshon-Qoraqum Ipak yo‘li yodgorliklariga, jumladan, Deggaron masjidi va Qosim Shayx majmuasiga alohida e’tibor qaratilgan. Bu obyektlar sayyohlarga mamlakatning noyob yo‘nalishlarini kashf etish imkonini beradi.
Ta’kidlanishicha, O‘zbekiston madaniy va tarixiy turizmning eng jozibador yo‘nalishlaridan biri sifatida o‘z mavqeini jadal mustahkamlamoqda. Zamonaviy infratuzilma, rivojlangan mehmonxonalar tarmog‘i va tarixiy merosni asrab-avaylashga bo‘lgan e’tibor Samarqand, Buxoro, Xiva va Navoiyni sayyohlar Buyuk Ipak yo‘lining haqiqiy muhitini ko‘rish uchun qaytadigan mintaqaga aylantiradi.