O‘zbekiston Respublikasi Turizm qo‘mitasi

Muzokaralar davomida ikki tomonlama hamkorlikning amaldagi holati va turizm, barqaror mobillik va transport sohalaridagi kelgusi o‘zaro hamkorlik yo‘nalishlarini ko‘rib chiqildi. Turizm sohasi uchun kadrlar tayyorlash, Yevropa ta’lim platformalarini jalb etish, malaka oshirish dasturlari va tajriba almashish imkoniyatlariga alohida e’tibor qaratildi. Shuningdek, kelgusi forumni muntazam ravishda o‘tkazish, ishtirokchilar geografiyasini kengaytirish va tematik yo‘nalishlarni ko‘paytirish masalalari ham muhokama qilindi.

Uchrashuvda transport bog‘liqligini rivojlantirish, aviaqatnovlar sonini ko‘paytirish va Markaziy Osiyo va YEI mamlakatlari o‘rtasida turistik sayohatlarni soddalashtirish masalalari ham ko‘rib chiqildi. Yevropa Ittifoqining barqaror turizm, xizmatlarni raqamlashtirish va “yashil” turizm marshrutlarini ilgari surish bo‘yicha ilg‘or tajribalari muhokama qilindi.

Yevropalik hamkorlar O‘zbekistonning “Markaziy Osiyo – Yevropa Ittifoqi” yangi mintaqalararo platformasini yaratish tashabbusini yuqori baholadilar va uni yanada rivojlantirishga, shuningdek, o‘zbek mutaxassislarining kasbiy malakasini oshirishga ko‘maklashishga tayyorligini bildirdilar.

Uchrashuv yakunida, tomonlar turizm yo‘nalishi raqobatbardoshligini oshirish, inson kapitalini mustahkamlash va Markaziy Osiyo hamda Yevropa Ittifoqi o‘rtasidagi hamkorlikni kengaytirishga qaratilgan strategik sheriklikni chuqurlashtirishni tasdiqladilar.