O‘zbekiston va Rossiya turizm sohasidagi ikki tomonlama hamkorlik istiqbollarini muhokama qiladi
2025-11-25 15:55:00 / Yangiliklar
2025-yil 26-noyabr kuni O‘zbekiston va Rossiya o‘rtasidagi Iqtisodiy hamkorlik bo‘yicha hukumatlararo komissiyaning Turizm bo‘yicha quyi komissiyasining uchinchi majlisi bo‘lib o‘tadi.
Yig‘ilish "Rossiyada O‘zbekiston turizmi yili" yakunlari, turizm sohasidagi ikki tomonlama hamkorlik istiqbollari va mamlakatlar o‘rtasidagi ishbilarmonlik aloqalarini mustahkamlashga bag‘ishlanadi.
Rossiya delegatsiyasiga Rossiya Federatsiyasi iqtisodiy rivojlanish vaziri o‘rinbosari D.Vaxrukov boshchilik qiladi.
Bundan tashqari, Rossiya delegatsiyasi "Ipak yo‘lida turizm" 30-Toshkent xalqaro turizm yarmarkasining rasmiy ochilish marosimida ishtirok etadi.