O‘zbekiston va Iordaniya o‘zaro sayyohlik yo‘nalishlarini rivojlantirishga kelishib oldi
2025-11-13 14:15:00 / Yangiliklar
Saudiya Arabistonining Ar-Riyod shahrida Butunjahon turizm tashkiloti Bosh assambleyasining 26-sessiyasi doirasida Turizm qo‘mitasi raisi Umid Shadiyev Iordaniya Hoshimiylar Qirolligi Turizm va qadimiy yodgorliklar vaziri Emad Al-Xejazin bilan uchrashdi.
Muzokaralar doirasida O‘zbekiston va Iordaniya o‘rtasidagi ikki tomonlama aloqalarni mustahkamlash va sayyohlik almashinuvini rivojlantirishga qaratilgan 2026-2027 yillarga mo‘ljallangan turizm sohasidagi hamkorlik dasturi imzolandi.
Hujjat madaniy, ziyorat va tibbiyot turizmi sohasida qo‘shma loyihalarni amalga oshirish, marketing va sohani raqamlashtirish bo‘yicha tajriba almashish, shuningdek, o‘zaro sayyohlik yo‘nalishlarini rivojlantirishni nazarda tutadi. Uchrashuvda tomonlar dasturning har bir bandini amalga oshirish mexanizmlarini kelishib oldilar hamda ikki tomonlama va xalqaro maydonda faol hamkorlik qilishga tayyorliklarini bildirdilar.