Sirdaryoda “Hokim Olimpiadasi” doirasida basketbol 3x3 bahslariga tantanali start berildi
2026-05-20 15:55:00 / Yangiliklar
Nufuzli sport tadbirida viloyat Sport boshqarmasi boshlig‘i o‘rinbosari Dilshod Daniyarov, MOQ Sirdaryo viloyati ijrochi direktori Bahodirxo‘ja Eshonov, sport sohasi mutasaddilari, tajribali murabbiylar hamda keng jamoatchilik vakillari ishtirok etdi.
Musobaqada viloyatning barcha tuman va shaharlaridan tashrif buyurgan jamoalar o‘zaro kuch sinashib, maydonda yuqori mahorat, jamoaviy hamjihatlik va g‘alabaga bo‘lgan kuchli intilishlarini namoyon etmoqda. Qizg‘in va murosasiz kechayotgan bahslar sport muxlislariga unutilmas taassurot ulashmoqda.
Mazkur musobaqa yoshlar o‘rtasida sog‘lom turmush tarzini targ‘ib qilish, basketbol sportini yanada ommalashtirish hamda iste’dodli sportchilarni kashf etishda muhim ahamiyat kasb etadi.
“Hokim Olimpiadasi” doirasidagi bahslar viloyatda sportga bo‘lgan e’tibor va ehtirom tobora yuksalib borayotganining yana bir yorqin ifodasidir.
Musobaqa natijalariga ko‘ra;
(Qizlar o‘rtasida)
🥇 Sirdaryo tumani SM
🥈 Boyovut tumani SM
🥉 Xovos tumani SM
(Yigitlar o‘rtasida)
🥇 Guliston OPSTTM
🥈 SO‘T va YEAISM
🥉 Xovos tumani SM