Farg‘ona va Namanganda 600 dan ortiq sportchi antidoping ta‘limi bilan qamrab olindi
2026-05-16 15:25:00 / Yangiliklar
Ana shunday navbatdagi tadbir Sport vazirligi bilan hamkorlikda Farg‘ona va Namangan viloyatlaridagi sport ta‘lim muassasalarida tashkil etildi.
Viloyatlardagi Olimpiya va paralimpiya sport turlariga tayyorlash markazi hamda Yakkakurash sport turlariga ixtisoslashtirilgan sport maktablarida o‘tkazilgan seminar-treninglarda sportchilarga antidoping qoidalari, taqiqlangan moddalar ro‘yxati, halol sportning mazmun-mohiyati va sportchining shaxsiy mas‘uliyati haqida batafsil tushuntirishlar berildi. Seminarlar davomida ishtirokchilarda talim-uznada.uz elektron platformasidan foydalanish bo‘yicha amaliy ko‘nikmalar shakllantirildi.
Mazkur seminar-treninglar orqali ikki viloyatda umumiy hisobda 600 nafardan ortiq sportchi antidoping ta‘limi bilan qamrab olinib, ularda sog‘lom raqobat, professional mas‘uliyat va toza sportga sodiqlik tushunchalarini yanada mustahkamlashga erishildi.
Bu kabi tashabbuslar mamlakatimizda halol va adolatli sport muhitini qaror toptirish yo‘lida muhim ahamiyat kasb etmoqda.