“Haj-2025” mavsumining dastlabki guruh ziyoratchilari Saudiya Arabistoniga kuzatildi
2025-05-13 09:25:00 / Yangiliklar
Bugun,13-may kuni tongda muborak haj safarini niyat qilgan ziyoratchilarning dastlabki guruhi dilda quvonch, tilda shukronalik bilan Haj ibodatini ado etish maqsadida Saudiya Arabistoniga jo'nab ketdi.
Yurtdoshlarimizni muborak safarga kuzatish uchun O‘zbekiston Respublikasi Prezidenti Administratsiyasi mas'ullari, Din ishlari bo‘yicha qo‘mita va O‘zbekiston musulmonlari idorasi rahbariyati, shuningdek, mutasaddi tashkilotlar va ommaviy axborot vositalari vakillari Toshkent xalqaro aeroportida jam bo‘ldi.
Eslatib oʻtamiz, ziyoratchilar joriy yilning 13-maydan 28-mayga qadar haj safariga kuzatiladi.
“Haj-2025” mavsumiga doir barcha yangiliklarni rasmiy ijtimoiy tarmoq sahifalarimiz orqali kuzatib boring!
Din ishlari boʻyicha qoʻmita
Axborot xizmati