“Konstitutsiya — inson qadri, erkinlik, tenglik va adolat garovi!” mavzusida davra suhbati bo'lib o'tdi
2025-12-05 10:05:00 / Yangiliklar
Joriy yilning 5-dekabr kuni Din ishlari bo‘yicha qo‘mitada “8-dekabr – O‘zbekiston Respublikasi Konstitutsiyasi qabul qilingan kun” munosabati bilan ma’naviy-ma’rifiy bayram tadbiri bo‘lib o‘tdi.
Bayram tadbiri davlat madhiyasining Qo‘mita xodimlari tomonidan jo‘r ovozda kuylanishi bilan boshlandi.
Tadbirni Qo‘mita raisi o‘rinbosari M. Qahhorova tabrik nutqi bilan ochib berdi.
Shuningdek, davlatimiz Konstitutsiyasining tarixi, shakllanish bosqichlari, ahamiyati va o‘ziga xos jihatlari yuzasidan fikrlar bildirildi.
Shu bilan birga, yangi tahrirda qabul qilingan Konstitutsiyamiz jamiyatning barcha jabhalarini qamrab olgani, “inson qadri uchun” tamoyiliga asoslangani hamda xalqaro standartlarga to‘liq javob bera olishi borasidagi mulohazalar ham bayon etildi.
Shu o‘rinda ta’kidlash joizki, Konstitutsiyamiz yuksak adolat, insonparvarlik va haqqoniylik tamoyillarini mujassam etgan bo‘lib, puxta va izchil qoidalar to‘plami hisoblanadi. Oqilona ishlab chiqilgan qonun davlat va jamiyat manfaatlariga xizmat qiladi. Shu ma’noda, Konstitutsiyamiz mustaqil mamlakatimizning ma’naviy-ma’rifiy, iqtisodiy va siyosiy yuksalishiga asosiy omil, poydevor bo‘lib xizmat qiladi.
Bayram tadbiri ko‘tarinki ruhda o‘tdi.
Din ishlari bo‘yicha qo‘mita
Axborot xizmati