Qashqadaryo viloyati hоkimligi

Murotjon Azimov: "Har bir loyiha istiqbolli va aholi uchun foydali bo‘lishi kerak!"

Bugungi kunda yurtimizda amalga oshirilayotgan islohotlar markazida inson manfaati, jamiyat rivoji va iqtisodiy barqarorlik kabi ustuvor yo‘nalishlar turibdi. 

Xabar berganimizdek, bugun viloyat hokimi "Islohotlar shtabi" va banklar tomonidan amalga oshirilayotgan loyihalar taqdimoti bilan tanishdi. Unda vohamizdagi yirik tadbirkorlarning ishtirok yanada hamkorlikni rivojlantirishga turtki bo‘ldi.

Taqdimot davomida viloyatda qo‘lga kiritilayotgan investitsion loyihalar, kichik biznesni rivojlantirish, yangi ish o‘rinlari yaratish va aholi turmush darajasini oshirishga qaratilgan tashabbuslar muhokama qilindi.

Taqdimot chog‘ida banklar va tadbirkorlar o‘rtasidagi hamkorlik, kredit ajratish mexanizmlari, shuningdek, mahalliy loyihalarni qo‘llab-quvvatlash masalalariga alohida e’tibor qaratildi. Viloyat rahbari tomonidan eng muhim yo‘nalishlar bo‘yicha aniq vazifalar belgilanib, har bir loyihaning amaldagi ijrosi qat’iy nazoratda bo‘lishi ta’kidlandi.

Ushbu uchrashuv nafaqat yangi tashabbuslar uchun poydevor, balki, viloyat iqtisodiyotini jadal rivojlantirishga xizmat qiluvchi yana bir muhim qadamlardan biri bo‘ldi.