Qashqadaryo viloyati hоkimligi

Bugun viloyat hokimi Murotjon Azimov rahbarligida vohamizdagi bir qator sohalar faoliyatiga oid masalalar yuzasidan navbatdagi hokimlik soati o‘tkazildi.

Xususan, kun tartibidan sanoat va xizmat ko‘rsatish sohalarini rivojlantirish bo‘yicha amalga oshirilayotgan chora-tadbirlar, joriy yil viloyatda tibbiyot sohasini, shuningdek, aholining sanitariya-epidemiologik osoyishtaligini ta’minlash tizimini yanada kuchaytirish borasida amalga oshirilayotgan ishlar, ona va bola salomatligini asrash, qishloq xo‘jaligi, aholi murojaatlari bilan ishlash va boshqa bir qator muhim soha yo‘nalishlari bo‘yicha mas’ul rahbarlarning axborotlari eshitilib, tahliliy ravishda muhokama etildi.

Shuningdek, yangi yil bayramini yuqori darajada o‘tkazish maqsadida jamoat tartibini saqlash va aholi xavfsizligini ta’minlash borasida ham qilinishi lozim bo‘lgan ishlar diqqat markazida bo‘ldi.