Viloyat hokimi kubogi uchun “TechArtUzbekistan” tanlov va musobaqalari o‘tkazildi
2025-12-14 15:00:00 / Yangiliklar
O‘zbekiston Respublikasi Harbiy xavfsizlik va mudofaa universiteti Harbiy aviatsiya institutida viloyat hokimi kubogi uchun 7 ta yo‘nalishda, ya’ni kibersport, “Robotlar jangi”, “Dronlar poygasi”, “Uchuvchisiz uchish apparatlarini loyihalash”, “Raketamodel”, “Aviamodelchilik” hamda “Oltin ohanglar” milliy va estrada qo‘shiqchiligi bo'yicha musobaqa va tanlovlar tashkil etildi.
Shu munosabat bilan viloyat hokimi Murotjon Azimov Harbiy aviatsiya institutida bo‘lib, jarayonlarni ko'zdan kechirgan holda u yerda tashkil qilingan harbiy aslahalar va ishlanmalar ko‘rgazmasi bilan ham tanishdi.
Yakunda viloyat hokimi kubogi uchun o'tkazilgan “TechArtUzbekistan” tanlov va musobaqalarining g‘olib va sovrindorlari viloyat rahbari tomonidan qimmatbaho esdalik sovg'alari bilan taqdirladi.
📸 M.Komilov, N.Saynabiyev