Kitob tumanida xotin-qizlar bandligini ta’minlash bo‘yicha viloyat seminari o‘tkazildi
2025-11-07 10:05:00 / Yangiliklar
Tumanda xotin-qizlar bandligini ta’minlash, aholi xonadonlarini daromad manbaiga aylantirish masalalariga bag‘ishlangan viloyat seminari tashkil etildi.
Tadbirda viloyat hokimining oila va xotin-qizlar masalalari bo‘yicha o‘rinbosari Z.Aminova, tuman va shahar hokimlarining o‘rinbosarlari hamda mahallalardagi xotin-qizlar faollari ishtirok etdilar.
Seminar doirasida ishtirokchilar “Paxtaobod”, “Denov” va “Bektemir” mahallalarida xotin-qizlar bandligini ta’minlash, aholi xonadonlarida daromad manbalarini shakllantirish, “Sayhunobod tajribasi”ni ommalashtirish hamda mahallalarda “Teng xizmat” loyihasi doirasida amalga oshirilgan ishlar bilan tanishdilar.
Tadbirda tuman hokimi Rustam Gafurov ham ishtirok etib, xotin-qizlarning mehnat faoliyatini qo‘llab-quvvatlash, ularning iqtisodiy faolligini oshirish yo‘nalishida amalga oshirilayotgan ishlar haqida ma’lumot berdi.
Shuningdek, ishtirokchilar tomonidan davlatimiz rahbarining 376-sonli qarori ijrosi doirasida Kitob tumanida olib borilayotgan chora-tadbirlar ham o‘rganildi.
Seminar yakunida faol ishtirok etgan xotin-qizlarga tashakkurnomalar va esdalik sovg‘alari topshirildi.