Buxoro viloyati Peshku tumani hokimligi

U tashkil etgan ushbu ustaxona qisqa muddatda nafaqat ishlab chiqarish, balki yosh qizlar uchun hunar o‘rganish maskaniga ham aylandi. Shamsiyeva Nasiba usta-shogird an’anasini davom ettirgan holda 6 nafar shogirdni kasbga o‘rgatib, ularga tikuvchilikning nozik jihatlari, zamonaviy bichim va dizayn asoslarini puxta o‘rgatdi.

Bugungi kunda ustaxona faoliyati izchil yo‘lga qo‘yilib, shogirdlar bilan birgalikda yangicha uslubdagi, milliy va zamonaviy uyg‘unlikdagi ko‘ylaklar tikish yo‘lga qo‘yilgan. Tayyor mahsulotlar sifati, didi va zamonaviyligi bilan ajralib turib, mahalliy bozorlarda o‘z xaridorini topmoqda. Buyurtmalar sonining ortib borayotgani esa faoliyatni yanada kengaytirish, qo‘shimcha ish o‘rinlari yaratish imkonini bermoqda.

Umuman, bunday qo‘llab-quvvatlash choralari — xususan, kredit mablag‘lari evaziga zamonaviy tikuv uskunalarini xarid qilish imkoniyati xotin-qizlar uchun katta rag‘bat bo‘lmoqda. Nasiba Shamsiyevaning faoliyati ham buning yaqqol misoli bo‘lib, u nafaqat o‘zining barqaror daromad manbaiga ega bo‘ldi, balki bir nechta yosh qizlarning ham kasb egallashi va mustaqil daromad topishiga zamin yaratdi.

Bu kabi tashabbuslar xotin-qizlarning ijtimoiy faolligini oshirish, ularni hunarmandchilikka keng jalb etish hamda oilalar farovonligini ta’minlashda muhim ahamiyat kasb etmoqda.