Buxoro viloyati Peshku tumani hokimligi

Bu davrda tuman hududida sodir etilgan jinoyatlardan firibgarlik jinoyati o‘tgan yilning shu davriga nisbatan 
(1/5) 4 taga yoki 400 foizga kamaygan bo‘lib, yo‘l transport hodisasi bilan bog‘liq (3/2) 1 taga yoki 30 foizga (shundan 3 tasi o‘lim bilan bog‘liq), giyohvandlik (5/2) 3 taga yoki 40 foizga oshgan bo‘lsa-da, biroq, o‘tgan yilga nisbatan qotillik, o‘g‘irlik, ekstremizm bilan bog‘liq jinoyatlar sodir etilmagan.
Joriy yilning 4 oyi davomida tuman hududidagi mahallalarda sodir etilgan oldini olish mumkin bo‘lgan jinoyatlar soni 3 tani tashkil qilib, ularning 1 tasi JKning 1261-moddasi 1-qismi, 1 tasi JKning 105-moddasi 1-qismi va 1 tasi JKnig 
 169-moddasi 2-qismi “g” bandiga oid bo‘lgan jinoyatlarni tashkil qilgan. 
So‘nggi yillarda muhtaram Prezidentimiz tomonlaridan prokuratura organlari faoliyatida amalga oshirilgan islohotlar, tizimning xalqqa yaqinlashgani, inson huquq va erkinliklarini ta’minlash, qonun ustuvorligini va adolatni qaror toptirishdagi natijalar alohida qayd etib kelinmoqda.
Shunga ko‘ra, tuman prokuraturasi tomonidan tumanda qonuniylikni mustahkamlash, fuqarolarning huquq va erkinliklarini himoya qilish, jinoyatchilik hamda huquqbuzarliklarning oldini olish, buzilgan huquqlarni tiklash, tadbirkorlikni rivojlantirish, voyaga yetmaganlarni ijtimoiy muhofaza qilish, qishloq xo‘jaligidagi islohotlarni chuqurlashtirish, shuningdek, jismoniy va yuridik shaxslar murojaatlarini o‘z vaqtida ko‘rib chiqish hamda qonunchilik va huquqni qo‘llash amaliyotini takomillashtirishga qaratilgan ishlar izchil amalga oshirilmoqda.
Misol uchun joriy yilning 4 oyida jami 16 nafar fuqarolarning buzilgan, shu jumladan, 6 nafar tadbirkorlarning huquqlari tiklandi. 
Qurilish, yer resurslaridan foydalanish, xotin-qizlar va yoshlarni zo‘ravonlikdan himoya qilish, yoqilg‘i-energetika, ekologiya hamda kambag‘allikni qisqartirish yo‘nalishlarida joriy etilgan yangi mexanizmlar o‘zining ijobiy samarasini bermoqda.       
Muhtaram Prezidentimiz aytganlaridek, “Agar hamma birdek 
jon kuydirib, oilalarning muammolaridan to‘liq xabardor bo‘lib, ularni hal etishga ko‘maklashganda edi, bugun natijalar umuman boshqacha bo‘lishligi, biroq, jinoyatchilikka qarshi kurashishda haligacha eskicha ishlash tizimidan voz kecha olmayotganligimiz, bitta jinoyat 
ham hammamizni tashvishga solishi kerak”. 
Bugungi kunda hududda huquqbuzarliklarni oldini olish 
va jinoyatchilikka qarshi kurashish, uni profilaktika qilishda prokuror nazorati yo‘lga qo‘yilgan bo‘lib, tumanimizda qonun ustuvorligini ta’minlash va jinoyatchilikni jilovlash borasida salmoqli ishlar amalga oshirilib, ijobiy natijalarga erishilmoqda. 
Mazkur jinoyat yuzasidan viktimologik profilaktikani kuchaytirish maqsadida, savdo shaxobchalariga kameralar 
va tashvishli tugmalarni o‘rnatish bo‘yicha hamda kiber jinoyatchilikka qarshi kurashish borasida aholi o‘rtasida olib borilayotgan targ‘ibot-tashviqotlari natijasida tumanimizda kiber jinoyatchilik o‘tgan yilga nibatan ancha kamayganligini kuzatish mumkin.
Masalan, bugungi kunda bu turdagi jinoyatlarni oldini olish 
uchun tuman markazida  va tumanning aholi gavjum bo‘lgan joylarida qo‘riqlash patrullik xizmati faoliyati yo‘lga qo‘yilib, jinoyatlarni jilovlash bo‘yicha tizim yaratilmoqda. 
O‘zbekiston Respublikasi Prezidentining 05.01.2025 yildagi “Respublika mahallalarida xavfsiz muhitni yaratish yo‘nalishida 
 yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi 1-sonli Qarori ijrosi yuzasidan tuman prokuraturasi, ichki ishlar bo‘limi hamda mas’ul idora va tashkilotlar bilan hamkorlikda muayyan ishlar amalga oshirib kelinmoqda.
Bunda asosiy e’tibor, tuman prokurori tomonidan mazkur qarorlarining ijrosi uchun mas’ul bo‘lgan tuman idoralararo muvofiqlashtirish shtabining a’zolari ishtirokida yig‘ilish o‘tkazilib, shtabga taqdim qilib borilayotgan kunlik ma’lumotlarning haqqoniyligiga shtab rahbarlari bilan birgalikda ishchi guruhning har bir a’zosi shaxsan javobgar ekanligi tushuntirilib, ular Dastur 
 va tuman yo‘l xaritasida belgilangan chora tadbirlarni o‘z vaqtida bajarmagan, mas’uliyatsizlikka va hisobotlarning haqqoniyligi bo‘yicha ko‘zbo‘yamachilikka yo‘l qo‘ygan taqdirda qonunda belgilangan qat’iy javobgarlik choralari qo‘llanilishi haqida rasman ogohlantirilgan.
Bugungi kunda Dastur va “yo‘l xaritalar” bandlarining ijrosi yuzasidan tuman hududida amalga oshirilayotgan ishlar bo‘yicha kunlik hisobot va ma’lumotlar tuman prokuraturasi tomonidan 
 ishchi guruhlaridan olinib, ularning haqqoniyligi tekshirilgandan so‘ng, umumlashtirilgan holda viloyat idoralararo muvofiqlashtirish shtabi ishchi guruhiga taqdim qilib borilishi yo‘lga qo‘yilgan.
Biroq, shunga qaramasdan, o‘ziga biriktirilgan vazifalar ijrosini ta’minlashda sustkashlik va mas’uliyatsizlikka yo‘l qo‘ygan 
 1 nafar mas’ullar intizomiy javobgarlikka tortilgan.
Shu bilan birga, tumandagi mahallalarda jinoyatchilikni jilovlash yo‘nalishida o‘z hissasini qo‘shgan va “Yo‘l xarita”larida nazarda tutilgan tadbirlarni belgilangan muddatlarida sifatli ijrosini ta’minlab, o‘rnak ko‘rsatgan 8 nafar mas’ullar pul 
 va sovg‘alar bilan rag‘batlantirilgan. 
O‘zbekiston Respublikasi Prezidentining PQ-1-2-sonli qarori ijrosi yuzasidan tumanda joriy yilning ikkinchi choragi davomida mahallalaridagi aholi gavjum joylar va ko‘chalariga videokuzatuv kameralarini o‘rnatish reja bo‘yicha 45 ta belgilangan bo‘lib hozirda 9 ta o‘ranatildi.
Mahallalardagi ko‘p qavatli uylarning hovlilariga
 PTZ kameralarini o‘rnatish reja bo‘yicha 8 ta belgilangan bo‘lib hozirgi kunda 4 ta o‘rnatilishiga erishildi. 
Mahallalarning asosiy kirish-chiqish joylariga yuzni
 va avtoraqamlarni tanib oluvchi kameralar o‘rnatish reja 35 ta belgilangan bo‘lib hozirgi kunda 3 ta o‘rnatilishiga erishildi.
Tumanlardagi savdo markazlari va bozorlarga yuzni
 hamda avtoraqamlarni tanib oluvchi kameralar o‘rnatish reja bo‘yicha 
 2 ta belgilangan bo‘lib, hozir kunda reja ortig‘i bilan bajarilib 18 ta o‘rnatildi. 
Mahallalardagi maktab va maktabgacha ta’lim muassasalarining kirish-chiqish joylariga (tashqi tomonda) PTZ-kameralarini o‘rnatish reja bo‘yicha 9 ta belgilangan bo‘lib hozirda 6 o‘rnatilishiga erishildi.
Mahallalardagi maktablarning ochiq sport maydonlariga PTZ-kameralarini o‘rnatish reja bo‘yicha 4 ta belgilangan bo‘lib hozirgi kunda, 3ta o‘rnatildi.
Mahallalardagi ko‘p qavatli uylarning eshiklariga zamonaviy domafon komplekslarini o‘rnatish reja bo‘yicha 10 ta belgilangan bo‘lib hozirda 3 ta o‘rnatilishiga erishildi. 
Mahallalardagi ko‘p qavatli va yakka tartibdagi xonadonlarni Milliy gvardiya qo‘riqlash xizmati tomonidan texnik qo‘riqloviga olish reja asosida 90 ta belgilangan bo‘lib, hozirgi kunda 23 ta xonadonlar Milliy gvardiya qo‘riqlash xizmati olindi. 
Mahallalardagi ko‘p qavatli uylarning kirish yo‘laklari oldiga tashvish tugmalarini o‘rnatish reja bo‘yicha 3 ta belgilangan bo‘lib hozirda 1 ta o‘rnatildi. 
Mahallalardagi savdo va maishiy xizmat ko‘rsatish ob’yektlarini Milliy gvardiya Qo‘riqlash xizmati  tomonidan texnik qo‘riqloviga olish reja bo‘yicha 12 ta belgilangan bo‘lib, hozirda 14 ta texnik qo‘riqlovga olinib, reja ortig‘i bilan bajarilishiga erishildi.
Mahallalarda “Namunaviy xavfsiz ko‘cha”larni tashkil 
etish reja bo‘yicha belgilangan 24 ta ko‘cha tashkil qilinishi belgilangan bo‘lib, hozirda 2 ta namunaviy xavfsiz ko‘cha tashkil etildi.
Shuningdek, mahallalarda “Namunaviy xavfsiz uy”larni tashkil etish reja bo‘yicha 5 ta etib belgilangan 4 ta tashkil etildi.
Ushbu yo‘nalish bo‘yicha tumandagi 36 mahallalarda yo‘l haritalar tuzilib, belgilangan tartibda ishlar olib borilmoqda.
Shu kabi, joriy iylning 2-choragi uchun Peshku tuman yo‘l xatisi tuzilgan bo‘lib ushbu yo‘l xarita asosida ishlar olib borilmoqda.
Tumanda hozida O‘zbekiston Respublikasi Prezidentining                    PQ 2-sonli qaroriga muvofiq “Chig‘irchi” MFY tuman prokuroriga va “Zandane” MFY tuman IIB boshlig‘i biriktirilgan bo‘lib ushbu MFYlarda jinoyatchillikni oldini olish bo‘yicha qator ishlar olib borilmoqda.
Mazkur qarorning ijrosini ta’minlash yuzasidan ishlab chiqilgan “Yo‘l xarita”da belgilangan bandlar bo‘yicha amalga oshirilayotgan ishlar to‘g‘risidagi ma’lumotlar (video, foto, tasdiqlovchi hujjatlarning barchasi) elektron shaklida shakllantirilib, yig‘ma jildlarda jamlab borilgan.
Tuman prokuraturasi tomonidan kelgusida, joriy yilning 
 2-choragi bo‘yicha belgilangan 12 ta maqsadli ko‘rsatkichlarning bajarilishi alohida nazoratga olingan va bu borada amalga oshirilayotgan ishlar yuzasidan kunlik hisobot hamda ma’lumotlar namunaviy jadval asosida shtabga taqdim qilib borilishiga jiddiy e’tibor qaratilgan. Mas’uliyatsizlikka va hisobotlarning haqqoniyligida ko‘zbo‘yamachilikka yo‘l qo‘ygan mas’ullarga nisbatan qonunda belgilangan qat’iy javobgarlik masalasi, shu bilan birga, mazkur chora-tadbirlarning moliyaviy manbalarini tuman hokimligi bilan hal etish choralari ko‘rib boriladi. 

Hurmatli vatandoshlar!

Bugungi kunda jinoyatchilikka qarshi kurashish faqat Ichki ishlar va prokuratura yoki boshqa huquqni muhofaza qiluvchi organlarning vazifasi emas, bu barchamizning burchimizdir.
Bundan asosiy ko‘zlangan yagona maqsadimiz, aholi tinchligi, osoyishtaligi va faravonligini ta’minlash hamda Davlatimiz rahbari oldimizga qo‘ygan vazifalarni to‘g‘ri va samarali ro‘yobga chiqarishdir.
Shuning uchun men Sizlarni hammalaringizni tumanimizda huquqbuzarlikni barvaqt oldini olish va jinoyatchilikka murosasiz qarshi kurashishga chaqirib qolaman.

E’tiboringiz uchun rahmat !