Peshku tumanida 90 yoshni qarshi olgan Niyoz bobo o‘zining halol mehnati, shijoati va ibratli hayot tarzi bilan barchaga namuna bo‘lib kelmoqda.
2026-03-27 14:40:00 / Yangiliklar
Xonadonda chorvachilik va parrandachilik ham yo‘lga qo‘yilgan. Hozirda 50 ga yaqin tovuq parvarish qilinmoqda. Shuningdek, 4 bosh qo‘y mavjud bo‘lib, zotdor sigirdan kuniga 15 litrgacha sut olinmoqda.
Bundan tashqari, xonadonda 4 ta asalari uyasi parvarish qilinib, ular nafaqat asal yetishtirish, balki bog‘dagi daraxtlarni changlatishda ham muhim ahamiyat kasb etib, hosildorlikning yanada oshishiga xizmat qilmoqda.
Tomorqa yerlaridan samarali foydalanish maqsadida 700 ga yaqin “Obi novvot” navli qovun ko‘chatlari ekilgan. Shuningdek, 4 sotix maydonda ismaloq va sarimsoq piyoz yetishtirilmoqda.
E’tiborlisi, 90 yoshga kirganiga qaramay, Niyoz bobo hanuzgacha tinimsiz mehnat qilib, bog‘dorchilik, chorvachilik, parrandachilik va asalarichilik bilan faol shug‘ullanib kelmoqda. U kishining hayot yo‘li, mehnatsevarligi va yerga bo‘lgan mehr-muhabbati yoshlar uchun chinakam ibrat maktabidir.