Bugun tuman hokimi H. Davlatov boshchiligida tumandagi korxona va tashkilot rahbarlari ishtirokida hududlarda olib borilayotgan obodonlashtirish va ko‘kalamzorlashtirish ishlari atroflicha o‘rganildi.
2026-02-16 14:20:00 / Yangiliklar
Bugun tuman hokimi H. Davlatov boshchiligida tumandagi korxona va tashkilot rahbarlari ishtirokida hududlarda olib borilayotgan obodonlashtirish va ko‘kalamzorlashtirish ishlari atroflicha o‘rganildi.
Tashrif davomida aholi yashash maskanlarining obodonchiligi, ko‘cha va yo‘laklarning holati, ichki yo‘llarni tartibga keltirish, ariqlarni tozalash, chiqindilarni o‘z vaqtida olib chiqish hamda hududlarni saranjom-sarishta saqlash masalalariga alohida urg‘u berildi. Shuningdek, manzarali daraxt va gul ko‘chatlarini ekish, yashil hududlarni kengaytirish, sug‘orish tizimlarini yaxshilash orqali tumanning ekologik va estetik qiyofasini yanada yaxshilash zarurligi ta’kidlandi.
Yoshlar bog‘i, tuman tibbiyot birlashmasi hamda sohil bo‘yida amalga oshirilayotgan ishlar ham aynan hududlar obodonchiligi va aholi uchun qulay muhit yaratish nuqtai nazaridan ko‘zdan kechirildi. Mazkur obyektlarda tozalikni ta’minlash, yoritish tizimini yaxshilash, piyodalar yo‘laklarini tartibga keltirish va umumiy infratuzilmani yaxshilash bo‘yicha aniq vazifalar belgilandi.
Tuman hokimi tomonidan barcha mas’ullarga hududlar obodonchiligi doimiy e’tibor markazida bo‘lishi, har bir tashkilot o‘ziga biriktirilgan hudud uchun mas’uliyatni kuchaytirishi lozimligi qat’iy ta’kidlandi. Obod va fayzli muhit yaratish – aholining farovon hayoti hamda tumanning ijobiy qiyofasini shakllantirishning muhim omili ekani qayd etildi.