Peshku tuman Valfajir mahalla fuqarolar yig‘inida yashovchi Xayrullayev Oybekjon Hayot o‘g‘li tomonidan chorvachilikning naslchilik hamda go‘sht yo‘nalishida tadbirkorlik faoliyati olib borilmoqda.
2026-02-08 14:30:00 / Yangiliklar
Faoliyatning asosiy yo‘nalishi naslchilik bo‘lib, zotdor qo‘ylarni ko‘paytirish, sifatli nasl olish va mahsuldorlikni oshirishga alohida e’tibor qaratilgan. Shu bilan birga go‘sht yetishtirish orqali barqaror daromad olinmoqda.
Hozirda ushbu xo‘jalikda 4 nafar fuqaro doimiy ish bilan ta’minlangan bo‘lib, ular chorvani parvarishlash va xo‘jalik ishlariga jalb etilgan.
Loyihaning umumiy qiymati 500 mln so‘mni tashkil etadi. Ushbu mablag‘lar nasldor qo‘ylar xaridi, ozuqa bazasini mustahkamlash, parvarish sharoitlarini yaxshilash hamda veterinariya tadbirlarini amalga oshirishga yo‘naltirilgan.
Mazkur loyiha qishloq hududida naslchilikni rivojlantirish, aholi bandligini oshirish hamda ichki bozorni sifatli go‘sht mahsulotlari bilan ta’minlashga xizmat qilmoqda.