Bugun Peshku tumani hokimi H.Davlatov tumandagi mas’ul tashkilotlar rahbarlari bilan birgalikda “Yangi O‘zbekiston qiyofasidagi mahalla” dasturi doirasidagi loyihalarni zarur infratuzilma bilan ta’minlash bo‘yicha rejalashtirilgan ishlar yuzasidan o‘rgani
2026-02-03 / Voqealar taqvimi
Mahalla fuqarolar yig‘inlari mas’ullari va tegishli idora hamda tashkilotlar vakillari ishtirokida dastlabki shakllantirilgan loyihalar joyiga chiqib o‘rganildi. Jumladan, Valfajir va Quchoq mahalla fuqarolar yig‘inlarida ichki ariq tarmoqlarini betonashtirish, shuningdek, Navoiy mahalla fuqarolar yig‘inida ichki yo‘llarni asfaltlashtirish ishlari bo‘yicha loyihaviy takliflar ko‘rib chiqildi.
O‘rganish jarayonida ichki yo‘llarni ta’mirlash, ichimlik suvi, elektr va gaz ta’minotini yaxshilash, ijtimoiy ob’yektlarni rekonstruksiya qilish, obodonlashtirish ishlarini tizimli tashkil etish bo‘yicha qo‘shimcha aniq takliflar ishlab chiqildi.
Har bir mahalla kesimida aholini qiynayotgan muammolarni tezkor hal etish, loyihalarni sifatli va o‘z vaqtida amalga oshirish yuzasidan mutasaddilarga tegishli topshiriqlar berildi.
Mazkur ishlardan ko‘zlangan asosiy maqsad – mahallalar qiyofasini tubdan yangilash, aholi turmush darajasini oshirish, tadbirkorlikni rivojlantirish uchun qulay muhit yaratish hamda loyihalarning barqaror infratuzilma bilan qamrab olinishini ta’minlashdan iborat.